Ná Timo gávuhii nuorvvu Chiles

Timo vuolgá lohkanjahkái stuđeret Chilei. Timo fallehallá háhppilis nurvui, mas ii áiggo mainnage buorránit. Timo diŋgo áiggi doaktárii, gii mearrida sutnje mearreáigásaš antibiohtadálkkasdikšuma ja vahku vuoiŋŋasteami. Vuolggedettiinis Timo oažžu doaktáris rehkega, man son ferte máksit ieš. Son ohca doaktárafitnama goluin buhtadusaid mátkedáhkádusastis.

Timo dikšunvuoigatvuođaid ákkat

Daningo Timo lohkamat leat EU- dehe Eeg-riikkaid, Sveicca, Stuora-Británnia ja Davvi-Irlándda olggobealde, son ii sáhte atnit eurohpalaš buohccedikšungoartta. Timo gánnáha váldit mátkedáhkádusa, mii buhtte buohccedikšuma goluid. Muđuid buohccedikšumis šaddan golut bázále measta ollásit Timo iežas máksima váste, daningo Kela (Áel) ii buhtte EU-guovllu olggobeale buohccedikšuma goluid.

Spiehkastat

Juos Timo vuolggáliinai lohkat Kanada Quebecii, de son livččii Suoma ja Kanada Quebeca sosiáladorvoortnega vuođul vuoiggalaš buohccedikšumii seamma ákkaiguin go báikkálaš orrut. Dalle son oaččulii dikšuma seamma hattiin go báikkálaš orrut. Timo gánnáha juohke dáhpáhusas váldit mátkedáhkádusa, daningo dat sáhttá buhttet ovdamearkka dihte ambulánsagirdima goluid.

Lassidiehtu

Stuđeantta buohccedikšun olgoriikkain