Jorma bátnedikšun Estteeatnamii

Jorma dárbbaša duogŋasa iežas máttabátnái. Son lea gárten bátnedoaktáriid ja bátneduognasa hattiid Estteeatnamis ja diŋgon áiggi tallinnlaš bátneklinihkas.

Jorma mátkkošta dikšuma várás Tallinnii ja buot manná bures almma buncaraggáid haga. Vuolggedettiinis Jorma oažžu bátnedoaktáris rehkega, man son ferte máksit ieš.

Jorma ohcá bátnedikšumis goluin buhtadusa Kelas skoviin SV128. Son oažžu Estteeatnamis addojuvvon dikšumis buhtadusa eanemusat supmiin, mii livččii dávistivččii su iežas buresbirgenguovllus addojuvvon danveardásaš bátnedikšuma goluide.

Jorma dikšunvuoigatvuođaid ákkat

Daningo Jorma lea Suomas oadjuduvvon buohcama várás, de sus riekti ohcalit dikšuma várás nuppi EU- dehe Eeg-riikii, Sveicii, Stuora-Británniai dehe Davvi-Irlándii. Dikšuma várás sáhttá ohcalit lupmosit nu ahte soahpá dikšumis njuolga dikšunaddiin. Sveica, Stuora-Británnia ja Davvi-Irlánddas eai dattetge leat lágain geatnegahtton váldit Jorma dikšuma várás, juos son lea iešoaivveš mátkkoštan dáidda riikkaide dearvvašvuohtabálvalusaid geavaheami várás.

Kela buhtte nuppi EU- dehe Eeg-riikkas, Sveiccas, Stuora-Británnias dehe davvi-Irlánddas ohccojuvvon dikšuma eanemusat supmiin, mii dávista áššehasa iežas buresbirgenguovllu addojuvvon dikšuma goluide. Áššehasa máksima várás báhcá álohii áššehasmáksu, mii berrojuvvolii danveardásaš dikšumis Suoma almmolaš dearvvašvuohtafuolahusas.

Jorma livččii hálus mielde bivdit Kelas ovdailmmuhusa das, makkár buhtadusaid son sáhttá oažžut dikšumis. Kela mieđiha buhtadusaid iežas ilmmuhan vuogi mielde, juos dikšun lea ollahuvvan dego áššehas lea doaimmahan dieđuid.

Kela buhtte maid mátkegoluid, mat laktásit dikšumii. Almmá ovdalobi haga Kela buhtte mátkegoluid Jorma lagamus dearvvašvuohtastašuvnna rádjái ja mátkki iežasovddasvástádusoassi lea 25 euro. Tallinna mátki ii nappo buhttejuvvo, muhto Jorma šaddá máksit dámpabileahtaid ieš.

Lassidiehtu

Dikšuma várás Suomas olgoriikkaide