Joona skohterbárti Thaieatnamis

Joona lea láigohan skohtera Thaieatnan-luomustis ja vuoddjá. Skohterreaisu oažžu morašlaš jorggaldaga, go Joona vuodjá heajos luotta nalde roggái ja gahččá skohtera nalde. Joona sealgi fatnala ja son deađvašuvvá giehtaruohttasii.

Joona dolvojuvvo ambulánssain dikšuma várás báikkálaš buohccevissui, gos son vásiha guokte beaivvi ja joatká dan maŋŋel iežas luomu. Buohcceviesus vuolggedettiinis Joona máksá ieš buot buohccedikšungoluid. Lihkus son lea váldán mátkki várás mátkedáhkádusa. Joona rádjá dikšunmávssuid guittiid ja ohcá mátkkis máhcadettiinis dikšungoluin buhtadusa dáhkádusfitnodagastis.

Joona dikšunvuoigatvuođaid ákkat

Daningo Suoma ja Thaieatnama gaskka ii leat sosiáladorvosoahpamuš, Joona riekti oažžut dikšuma vuođđuduvvá lea ollásit Thaieatnama iežas láhkaásaheapmái. EU-guovllu olggobealde Joonas ii leat automáhtalaččat riekti earái go hohpolaš buohccedikšumii, ja dábálaččat son ferte máksit ieš visot goluid, maid dikšun mielddisbuktá. Joona gánnáha váldit mátkedáhkádusa.

Joona ii nappo oaččo Thaieatnamis dikšuma eurohpalaš buohccedikšungoarttain, iige sus leat automáhtalaččat vuoigatvuohta eará go hohpolaš buohccedikšumii.

Joonas lea goitge mátkedáhkádus, mii gokčá Thaieatnama buohccedikšuma visot goluid. Son oažžu buhtadusaid njuolga dáhkádusfitnodagas.

Lassidiehtu

Jos buohccát eará sajes go Eurohpas