Kontáktačuokkis Suomas
Rájiid rasttildeaddji dearvvašvuohtafuolahusa kontáktačuokkis fállá dieđu dearvvašvuohtabálvalusaid atnimis Suomas ja olgoriikkain. Mii juohkit dieđu EU-dearvvašvuođadikšun.fi-fierbmesiidduin ja vástidit gažaldagaide šleađgaboastta bakte. Mii doaibmat viiddes ovttasbarggus sihke áššehasaiguin ja eiseválddiiguin.
Kontáktačuokkis bálvala fierpmis EU-dearvvašvuođadikšun.fi-siidduin sihke šleađgaboastta bakte.
- Fáhtet kontáktačuoggá čujuhusas yhteyspiste(at)kela.fi. Mii vástidit viđa bargobeaivvi siste. Mii bálvalit šleađgaboastta bakte suoma-, ruoŧa- ja eŋgelasgillii.
- Kontáktačuoggás oaččut almmolaš dásis dieđu rájiid rasttildeaddji dearvvašvuohtafuolahusas. Persovnnalaš ovdamunneáššiin, dego ohcamušain, leathan oktavuođas Kelan palvelukanaviin (sámás: Álel:a bálvalankanálaide), ovdamearkka dihte Kelan kansainvälisten asioiden keskukseen (sámás: Áel:a riikkaidgaskasaš áššiid guovddážii).
- EU-dearvvašvuođadikšun.fi-siidduin suomagillii, ruoŧagillii, eŋgelasgillii ja davvisámegillii.
- Kontáktačuokkis lea maid Twitteris, Facebookas ja SlideShares.
Kontáktačuoggá barggut
Rájiid rasttildeaddji dearvvašvuohtafuolahusa kontáktačuokkis čohkke, buvttada ja juohká dieđu earret eará:
- dearvvašvuohtafuolahusa geavahusas Suomas ja olgoriikkain
- dikšuma várás ohcaleamis Suomas olgoriikkaide ja olgoriikkain Supmii
- goluid buhttemis
- eurohpalaš dálkkasmearrádusas
- buhcciid vuoigatvuođain.
Kontáktačuoggá barggut leat dárkileappot meroštallon lailla rajat ylittävästä terveydenhuollosta (sámás: lágain rájiid rasttildeaddji dearvvašvuohtafuolahusas).
Jokaisessa Euroopan unionin jäsenvaltiossa on oma rajat ylittävän terveydenhuollon yhteyspisteensä (sámás: lágain rájiid rasttildeaddji dearvvašvuohtafuolahusas). Kontáktačuoggáin lea ovddasvástádus rájiid rasttildeaddji dearvvašvuohtafuolahusa kommunikašuvnnas ja diehtolonohallamis.
Suomas kontáktačuokkis lea biddjon Áel:ii, gos dat lea doaibman jagi 2014 rájes.
EU-dearvvašvuođadikšun.fi lea min deháleamos bálvalankanála
Rájiid rasttildeaddji dearvvašvuohtafuolahusa kontáktačuokkis bajásdoallá ja gárgeha EU-dearvvašvuođadikšun.fi-fierbmebálvalusa, mii fállá dieđu dearvvašvuohtabálvalusaid geavaheamis Suomas ja olgoriikkain. Siidduin oaččut dieđu ovdamearkka dihte buohcci vuoigatvuođain, dikšungoluin ja daid buhtadusain sihke dearvvašvuohtafuolahusas sierra riikkain. Siidduin lea maid iežas ossodat dearvvašvuohtafuolahusa bargiid diehtodárbbuide.
Mii doaibmat viiddes ovttasbarggus
Mii gárgehit doaibmamet ovttasráđiid áššehasaideametguin. Don leat liggosit bures boahtán searvat áššehasráđđáseamet. Dasa lassin don sáhtát sáddet máhcahaga sámegillii EU-dearvvašvuođadikšun.fi-siidduin máhcahatskoviin.
Kontáktačuokkis bargá ovttasráđiid ee. Áel:ain, Dearvvašvuođa ja buresbirgejumi lágádusain (DBL), sosiála- ja dearvvašvuohtaministeriijain (SDM), Suoma Gieldalihtuin, Álbmotregisttarguovddážiin, buohcceorganisašuvnnaiguin, buohccedikšunbiirriiguin, Buohcceoadjoguovddážiin, Fimeain sihke Valvirain. Kontáktačuoggá olis doibmet ovttasbargojoavku sihke EU-dearvvašvuođadikšun.fi-fierbmebálvalusa doaimmahusgoddi. Dasa lassin stáhtaráđđi ásaha rájiid rasttildeaddji dearvvašvuohtafuolahusa ráđđádallangotti golmma jahkái háválassii SDM:a oktavuhtii. Ráđđádallangotti bargun lea čuovvut rájiid rasttildeaddji dearvvašvuohtafuolahusa láhkaásaheami guoskadeami sihke dahkat evttohusaid ja álgagiid láhkaásaheami ovddideami várás.
Jos don leat beroštuvvan ovttasbargat kontáktačuoggáin, de fáhtet min čujuhusas yhteyspiste(at)kela.fi
Višuvdna, miššuvdna ja árvvut
Višuvdnamet lea leahkit hui dovddus ja earenoamáš áššehasmuosáhusa fálli riikkaidgaskasaš dearvvašvuohtafuolahusa áššedovdi.
Miššuvdnamet lea ovddidit buohcci vuoigatvuođaid. Mii fállat dieđu ja neavvuma áššehasaide ja guimmiide ja váikkuhit rájiid rasttildeaddji dearvvašvuohtafuolahusa suorggis.
Doaibma árvvuideamet mielde lea
- Áššehasaid vuhtii váldi
- Luohtehahtti
- Ovttas doaibmi
- Áššedovdi
Min strategalaš ulbmilat
Jagiid 2023–2028 vuojulduvvat golbma strategalaš deaddočuoggái:
- Áššehasipmárdus: háliidit fállat earenoamáš áššehasmuosáhusa áššehasaidasamet ja guimmiidasamet.
- Ovttasbargu: doaibmat ovttas guimmiiguin áššehasaid buorrin.
- Váikkuheapmi: ovddidit buohcci vuoigatvuođaid rájiid rasttildeaddji dearvvašvuohtafuolahusas.