Hoitopaikanvalinta.fi (dikšunbáikkiválljen.fi) lea dál maid sámegillii

Hoitopaikanvalinta.fi-fierbmebálvalus lea rahppojuvvon sámegillii čujuhusas saame.hoitopaikanvalinta.fi. Siiddut fállet áigeguovdilis dieđu dearvvašvuohtabálvalusaid geavaheamis Suomas ja olgoriikkain.

Dikšunbáikkiválljen.fi lea rájiid rasttildeaddji dearvvašvuohtafuolahusa kontákŧačuoggá, Dearvvašvuođa ja buresbirgejumi lágádusa, Áel:a sihke Sosiála- ja dearvvašvuohtaministeriija ovttasbargguin ollašuhtton dearvvašvuohtafuolahusa fierbmebálvalus.

Buot dearvvašvuohtabálvalusaid geavaheddjiid ja dearvvašvuohtafuolahusa ámmátolbmuid bálvalansiiddut fállet dieđu buohcci vejolašvuođain ja vuoigatvuođain geavahit dearvvašvuohtabálvalusaid Suomas ja olgoriikkain. Siidduin oažžu maid dieđu áššehasmávssuin, dikšungoluin ja daid buhtadusain.

Saame.hoitopaikanvalinta.fi veahkeha maid gažaldagain, mat laktásit dearvvašvuohtabálvalusaid geavaheapmái riikkaidgaskasaš diliin, ovdamearkka dihte jos buohccá olgoriikkain fáhkkestaga dehe mátkkošta nuppii riikii buohccedikšuma oažžuma várás.

Hoitopaikanvalinta.fi rahppojuvvui golggotmánus 2015. Fierbmebálvalusa oba sisdoallu lea dán rádjái leamaš oažžumis suoma-, ruoŧa- ja eŋgelasgillii, ja dál giellafállu viidu davvisámegillii. Giela sáhtát válljet siidduid giellafálus, mii oidno juohke siiddus. Siidduid measta olles sisdoallu lea jorgaluvvon davvisámegillii, earret riikaguovdasaš dieđut ja dearvvašvuohtafuolahusa ámmátolbmuide čuozihuvvon oasit.

– Viggat viiddidit giellafálu gokčat Suomas hubmon gielaid, dadjá kontáktačuoggá hoavda Marika Lahtivirta. – Sávvat, ahte viidon giellafálu mielde nu máŋggas go vejolaš dearvvašvuohtabálvalusaid geavaheddjiin gávdnet siidduid ja atnet ávkin daid fállan dieđuid.

Lassidieđut mediai:
Annamari Qvist, gulahallanplánejeaddji, Rájiid rasttildeaddji dearvvašvuohtafuolahusa kontáktačuokkis, tel. 050 551 8498, ovdanamma.goargu@kela.fi

Lassidieđut áššehassii:
www.eu-terveydenhoito.fi
saame.hoitopaikanvalinta.fi
www.vardenhetsval.fi
www.choosehealthcare.fi