Dikšunbáikkiválljen.fi ovdanbuktojuvvo TERVE-SOS 2017 -dáhpáhusas 4.–5.5.2017

Rájiid rasttildeaddji dearvvašvuohtafuolahusa kontáktačuokkis buktá ovdan dikšunbáikkiválljen.fi-fierbmabálvalusa Suoma stuorimus sosiála- ja dearvvašvuohtasuorggi skuvlendáhpáhusas TERVE.SOS:is, mii lágiduvvo Helssega Meassoguovddážis 4.–5.5.2017. Čájáhusossodagasteamet galledit maid Áel:a sode-ođastusa áššedovdit.

Diehtobáhkka riikkavuložiidda ja dearvvašvuohtafuolahusa ámmátolbmuide

Dikšunbáikkiválljen.fi-fierbmebálvalus lea diehtobáhkka dearvvašvuohtafuolahusa válljenfriddjavuođas. Siiddut, mat bálvalit riikkavuložiid, dearvvašvuohtafuolahusa bargiid ja eiseválddiid, fállá dieđu dearvvašvuohtafuolahusa geavahusas Suomas ja olgoriikkain, buohcci vuoigatvuođain ja dikšungoasttádusaid buhtadusain.

– Dearvvašvuohtafuolahusa ámmátolbmuide lea buvttaduvvon iežaset oassi, mii oahpista ovdamearkka dihte olgoriikkain boahtti buhcciid dikšumis, dikšungoasttádusaid rehkega ráhkadeamis ja buohcci sáddemis dikšumii olgoriikkaide, dadjá rájiid rasttildeaddji dearvvašvuohtafuolahusa kontáktačuoggá hoavda Marika Lahtivirta.

Fierbmabálvalusa leat ollašuhttán ovttasráđiid rájiid rasttildeaddji dearvvašvuohtafuolahusa kontáktačuokkis, Dearvvašvuođa ja buresbirgejumi lágádus, Áel sihke sosiála- ja dearvvašvuohtaaministeriijaministeriija.

Sode-ođastus váikkuha maid Áel:a rollii

Sode- ja eanangoddeođastusa nuppástushoavda Marjukka Turusis lea ovddasvástádus Áel:a sode-ođastusa válmmaštallamiin. Ođastus boahtá earáhuhttit oba servodaga ja seammas Áel:a, mas lea sode-ođastusas mearkkašahtti rolla ovdamearkka dihte ovttasbarggu koordináhtorin máŋggain ollisvuođain.

– Sode-ođastus lea nu stuora ođastus, mii savnnjáša oba servodaga, ahte buot doaibmit fertejit dahkat lávga ovttasbarggu, vai lihkostuvvat, dadjá Marjukka Turunen.

Ráđit dearvvašvuohtabálvalusaid geavahusas Suomas ja olgoriikkain

Juohke Eurohpa uniovnna lahttoriikkas lea iežas rájiid rasttildeaddji dearvvašvuohtafuolahusa kontáktačuokkis. Álbmotlaš kontáktačuoggáid ovddasvástádus lea EU-lahttoriikkaid rájiid rasttildeaddji dearvvašvuohtafuolahusa kommunikašuvnnas ja dieđuidlonohallamis. Suomas kontáktačuokkis lea biddjon Áel:ii, man organisašuvnnas dat lea doaibman vuođđudeamis rájes dehege jagi 2014 rájes. Rájiid rasttildeaddji dearvvašvuohtafuolahusa kontáktačuokkis bálvala fierpmis suoma-, ruoŧa-, eŋgelas- ja sámegillii.

TERVE-SOS 2017 -dáhpáhusas galledeaddjit sáhttet oahpásnuvvat kontáktačuoggá bargui ja Dikšunbáikkiválljen.fi-fierbmebálvalussii Helssega Meassoguovddáža Kokoustamo-čoahkkinbáikái ossodahkii C 13. TERVE-SOS:a čájáhussii lea friddja sisabeassan.

Lassidieđut mediai:
Annamari Qvist, gulahallanplánejeaddji, Rájiid rasttildeaddji dearvvašvuohtafuolahusa kontáktačuokkis, tel. 050 551 8498
Marika Lahtivirta, kontáktačuoggá hoavda, Rájiid rasttildeaddji dearvvašvuohtafuolahusa kontáktačuokkis, tel. 040 354 7396
ovdanamma.goargu@kela.fi