Dieđe iežat vuoigatvuođaid
Dearvvašvuohtafuolahusa bálvalusaid ordnemis, buohcci vuoigatvuođain, mávssuin ja buhtadusain mearriduvvo álbmotlaš ja riikkaidgaskasaš láhkaásaheamis.
Láhkaásaheapmi
Sosiála- ja dearvvašvuohtaministeriija (SDM) addá rávvagiid sosiála- ja dearvvašvuohtafuolahusa láhkaásaheami ollašuhttimis ja das lea ovddasvástádus láhkaásaheami gárgeheamis. Dasa lassin sosiála- ja dearvvašvuohtaministeriija addá rávvagiid ja ávžžuhusaid dearvvašvuohtafuolahusa ámmátolbmuide. Buresbirgenguovlluin addojuvvojit dárkilis rávvagat dearvvašvuohtafuolahusa bálvalusaid ordnemis.
Diehtu Suoma sosiáladorvvus
Suoma sosiáladorvovuogádat vuođđuduvvá vuosttaš sajis riikkas orrumii. Muhtin EU-láhkaásaheami dehe riikkaidgaskasaš sosiáladorvosoahpamuša heivehandiliin olbmos sáhttá leat vuoigatvuohta Suoma sosiáladorvvu ovdamuniide, vaikko son ii oro bissovaččat Suomas.
Buohcci vuoigatvuohta dikšumii
Vuoigatvuohta Suoma almmolaš dearvvašvuohtafuolahusa bálvalusaide vuođđuduvvá vuosttaš sajis riikkas orrumii. Olgoriikkain boahtti olbmos sáhttá leat vuoigatvuohta dikšumii EU-láhkaásaheami dehe riikkaidgaskasaš soahpamuša vuođul, vaikko son ii oro bissovaččat Suomas. Buot olbmuin lea riikkavulošvuođas dehe ruovttueatnamis fuolakeahttá vuoigatvuohta hohpolaš dikšumii almmolaš dearvvašvuohtafuolahusas.
Buohcci vuoigatvuođat
Dus lea vuoigatvuohta buori dikšumii ja meannudeapmái, vuoigatvuohta oassálastit iežat dikšuma mearrádusaide ja vuoigatvuohta beassat diehtit iežat dikšuma áššiin.
Buohcci riektedorvovuogit ja nuppástusohcan
Sáhtát ohcat nuppástusa, jos leat duhtameahttun iežat oažžun dikšumii, dikšuma dagahan goluid rehketbearramii dehe Áel:a mearrádussii.