Buohccevahágat olgoriikkain
Buohccevahágiidda guoskaduvvo álohii dikšunaddi riikka láhkaásaheapmi. Oza buhtadusa buohccevahágii dikšunaddi riikka buohccedáhkádusas. Buot EU-riikkain lea buohccedáhkádusvuogádat dikšuma várás, mii addojuvvo riikkas. Sáhtát goitge oažžut dikšuma Suomas, vaikko dikšundárbu čuovušii olgoriikkain šaddan buohccevahágis.
Sihkkarastte ahte dikšunaddis lea lohpi doaibmásis
Go ohcalat olgoriikkaide dikšuma várás, sihkkarastte, ahte dikšunaddis lea lohpi doaibmásis ja ahte das lea buohccevahátdáhkádus dikšuma várás, mii addojuvvo. Čielggat vejolašvuođaid mielde maiddái dikšuma ollašuhtti doaktára duogášdieđuid, dego ámmátbargama vuoigatvuođaid ja vejolaš ráddjehusaid. Sihkkarastte maid, ahte don leat ožžon doarvái dieđuid dikšumis ja doaibmabijuin, mat dutnje addojuvvojit, sihke daid riskkain.
Dikšunaddi EU-riikka kontáktačuokkis vástida gažaldagaide riikka buohccedáhkádusvuogádagas ja oahpista dárbbu mielde rievttes eiseválddi lusa. Maiddái riikka eará eiseválddit, geain lea ovddasvástádus dearvvašvuohtafuolahusas ja lágas mearriduvvon buohcanoajus, addet dieđuid.
Jos dutnje geavvá buohccevahát olgoriikkain
Suopmelaš buohccevahát ii govčča olgoriikkain addojuvvon dikšuma. It sáhte oažžut Suomas buhtadusaid buohccevahágis, mii lea šaddan olgoriikkain addojuvvon dikšumis. Spiehkastahkan leat dilit, main almmolaš dearvvašvuohtafuolahus lea ordnen dikšuma olgoriikkain oastinbálvalussan. Čielggat dikšunaddis dehe dikšuma addán riikka kontáktačuoggás, mot sáhtát ohcat buhtadusa buohccevahágii.
Oaččut almmolaš dearvvašvuohtafuolahusas dikšuma, vaikko dikšondárbot čuovušii olgoriikkain šaddan buohccevahágis.