Fárren olgoriikkaide
Go fárret orrut olgoriikkaide, de du vuoigatvuohta dikšumii mearrahuvvá čuozáhatriikka, fárrema ulbmila ja bistima mielde. EU- ja Eeg-riikii, Stuora-Británniai ja Šveicii fárrema olis sáhtát sihtat Kela meroštallat maid du vuoigatvuođa dikšumii Suomas. Fárrendilis registreremis ruovttugielddas dahká Digi- ja álbmotdiehtovirgelágádus dehege magistráhta..
Olgoriikkaide fárremis gánnáha ilmmuhii Kelai jos dutnje máksojuvvo juoga Kela ovdamunni dehe juos dus lea eurohpalaš buohccedikšungoarta. Daga fárrenilmmuhusa maid Digi- ja álbmotdiehtovirgelágádussii dehege magistráhtii. Sáhtát šaddat sihtat Kela čielggadit de dikšunvuoigatvuođaš Suomas ja ođđa orrunriikkastat fárremat maŋŋel. Magistráhta mearrida, leago dus boahtteáiggis ruovttugielda. Jos dus seailu ruovttugielda, de sáhtát atnit almmolaš dearvvašvuohtafuolahusa bálvalusaid Suomas dego ovdalge.
EU-láhkaásaheapmi dorvvasta du vuoigatvuođa geavahit dearvvašvuohtafuolahusa bálvalusaid čuozáhatriikkas, go fárret nuppi EU- dehe Eeg-riikii, Stuora-Británniai dehe Šveicii. Jos olgoriikkain orrumat lea gaskaboddasaš (dábálaččat bistá vuollái guhtta mánu), oaččut čuozáhatriikkas dálkkasdieđalaččat vealtameahttun dikšuma eurohpalaš buohccedikšungoarttain. Jos fárret badjel guđa mánnui, gáibida dikšuma oažžun dábálaččat du registrerema čuozáhatriikka buohcanoadjolágádusas.
Jos fárret EU-, Eeg-riikkaid dehe Šveicca olggobeallái, nu čuozáhatriikka láhkaásaheapmi meroštallá, manlágán dearvvašvuohtafuolahusa bálvalusat leat geavahusastat. Lea ávžžuhahtti, ahte čielggadat ovddalgihtii iežat vuoigatvuođa oažžut čuozáhatriikka dearvvašvuohtafuolahusa bálvalusaid sihke daid mávssuid. Dasa lassin lea ávžžuhahtti, ahte hágat dárbbu mielde priváhtadáhkádusa, mii gokčá vejolaš goluid, mat šaddet dikšumis.
Jos fárret olgoriikkaide stuđeantan dehe dutkin, bargin dehe ealáhatolmmožin, lea dáin váikkuhus du dikšunvuoigatvuođaide.