Dearvvašvuohtabálvalusat olgoriikkain
EU-láhkaásaheapmi dorvvasta du rievtti oažžut dikšuma nuppi EU- ja Eeg-riikkas, Sveiccas, Stuora-Británnias ja Davvi-Irlánddas, juos buohccát fáhkkestaga dehe dárbbahat dikšuma guhkesáiggebuozalmassii gaskaboddasaš orodeamát áigge. Sáhtát maid ohcalit dikšumii nuppi EU-riikii. Sveiccas, Stuora-Británnias ja Davvi-Irlánddas ii goitge leat lágas mearriduvvon geatnegasvuohta váldit du dikšuma várás, juos don leat iešoaivves mátkkoštan dáidda riikkaide dearvvašvuođa bálvalusaid geavaheami várás.
Buohccán olgoriikkamátkkis
Jos dárbbašat olgoriikkain orodettiinat hohpolaš dikšuma, de riŋge heahtenummárii dehe ohcal lagamus buohccevissui. Buot EU-riikkain heahtenummár lea 112.
Hálidan mátkkoštit dikšuma várás olgoriikkaide
Sáhtát lupmosit mátkkoštit Suomas olgoriikkaide geavahit dearvvašvuohtabálvalusaid. Dus lea riekti beassat dikšuma váste nuppi EU-riikkas dehe Eeg-riikkas seamma ládje go riikkas orruin. Sáhtát ohcalit geavahit sihke vuođđodearvvašvuohtafuolahusa ja spesiálabuohccedikšuma bálvalusaid ja oažžut dikšuma maid guhkesáigge buozalmassii.
Fárren olgoriikkaide
Go fárret orrut olgoriikkaide, de du vuoigatvuohta dikšumii mearrahuvvá čuozáhatriikka, fárrema ulbmila ja bistima mielde. EU- ja Eeg-riikii, Stuora-Británniai ja Šveicii fárrema olis sáhtát sihtat Kela meroštallat maid du vuoigatvuođa dikšumii Suomas. Fárrendilis registreremis ruovttugielddas dahká Digi- ja álbmotdiehtovirgelágádus dehege magistráhta..
Ná geavahat dearvvašvuohtabálvalusaid olgoriikkain
Sáhtát lupmosit ohcalit Suomas olgoriikkaide geavahit dearvvašvuohtabálvalusaid. Dus lea riekti beassat dikšuma várás nuppi EU- dehe Eeg-riikkas seamma ládje go riikkas orrutge.
Dikšuma spesiáladilit olgoriikkain
Dán oasis gávnnat dieđu dikšuma spesiáladiliin olgoriikkain, dego áhpehisvuohta ja riegádahttin, guhkesáigge buozalmasaid dikšun, veajuiduhttin, veahkkegaskaoamit ja hárvenašbuozalmasaid máhttofierpmádagat.
Riikaguovdasaš diehtu dearvvašvuohtabálvalusain
Dearvvašvuohtafuolahusa bálvalusaid riikaguovdasaš dieđut leat dárkkuhuvvon du veahkkin, go mátkkoštat olgoriikkain ja dárbbašat dikšuma fáhkka buohccáma dihte. Dieđuin lea veahkki maid, jos mátkkoštat Suomas olgoriikkaide geavahit dearvvašvuohtafuolahusa bálvalusaid.