Dálkasat
Don sáhtát oastit dálkasiid nuppi EU- dehe Eeg-riikkas juogo sierra báberreseapttain dehe šleađgareseapttain. Seamma ládje Suoma apteaikkain sáhttá oastit dálkasiid nuppi EU- dehe Eeg-riikkain ja Šveiccas čállojuvvon dálkkasmearrádusain. Dán oassái lea čohkkejuvvon maid diehtu dálkasiid buktimis ja doalvumis sihke diehtu apteaikkain ja dálkkasdikšumis, mii guoská Suoma.
Dálkasiid oastin olgoriikkain
Siđa iežat doaktáris dálkkasmearrádusa olgoriikkain oastima várás, jos áiggut háhkat dálkasiid nuppi EU- dehe Eeg-riikkas. Viros, Kroatias, Portugálas, Polskkas ja Espánnjas sáhtát maid geavahit šleađgareseaptta. Jos hálidat oastit reseaptadálkasiid EU- ja Eeg-riikkaid olggobealde, dárbbašat dábálaččat báikkálaš dearvvašvuohtafuolahusa ámmátolbmo addin dálkkasmearrádusa.
Olgoriikalaš dálkkasmearrama geavaheapmi Suomas
Sáhtát oastit dálkasiid Suomas nuppi EU- dehe Eeg-riikkas dehe Sveiccas čállojuvvon čálalaš dálkkasmearramiin, juos dálkasis lea Suomas vuovdinlohpi. Don sáhtát oastit dálkasiid maid Estteeatnamis, Kroátias, Portugalis, Polskkas dehe Espánnjas merrojuvvon šleađgareseapttain. Eará riikkas go EU- dehe Eeg-riikkas dehe Sveiccas čállojuvvon dálkkasmearrádusain ii sáhte oastit dálkasiid Suomas.
Dálkasiid doalvun olgoriikkaide
Sáhtát dábálaččat váldit mátkái fárrui iežat dárbbašan reseapta- ja iešdikšundálkasiid.
Dálkasiid buktin Supmii
Sáhtát buktit olgoriikkain Supmii sihke reseapta- ja iešdikšundálkasiid iežat atnui dihto ráddjehusaiguin.
Dálkasiid oastin fierpmis
Dálkasiid sáhttá dihto eavttuid mielde oastit interneahta bakte sihke Suomas ja apteaikka fierbmebálvalusas, mii doaibmá nuppi EU-riikkas. Dálkasiid diŋgon EU- ja Eeg-riikkaid olggobealde lea lágaheapme.
Dálkkasdikšun Suomas
Dálkkasdikšun lea du dearvvašvuohtabálvalusa oassi. Suomas dálkasiid sáhttá mearrat doavttir ja dihto eavttuid mielde buohccedikšu, geasa Sosiála- ja dearvvašvuohtasuorggi lohpe- ja gozihanvirgedoaimmahat (Valvira) lea mieđihan ráddjejuvvon dálkkasmearranvuoigatvuođa.
Apteaikkat Suomas
Dušše apteaikkain lea Suomas lohpi vuovdit dálkasiid. Muhtin bieđggoorrunguovlluin leat maid apteaikka bálvalančuoggát, main sáhttá háhkat sihke reseapta- ja iešdikšundálkasiid. Apteaikka sáhttá oamastit lágalažžan dahkkon provisor.
Suopmelaš dálkkasmearramat
Suomas dálkkasmearramat leat elektrovnnalaččat, dehege báberreseapttat eai čállojuvvo. Báberreseapttat ja telefonreseapttat sáhttet čállojuvvot teknihkalaš árrodiliin, muhto apteaika dahká daid elektrovnnalažžan.