Ukrainas Supmii boahtán dearvvašvuođa bálvalusat: ruovttugieldda mielde dearvvašvuođa bálvalusat sirdásit vuostáváldinguovddážiin buresbirgenguovlluide

Loga ođđasa ukrainagillii — Loga ođđasa ruoššagillii

Suomas riekti dearvvašvuođa bálvalusaid geavaheami vuođđun lea dábálaččat ruovttugielda. Juos don leat orron Suomas badjel jagi ja ohcan Digi- ja álbmotdiehtodoaimmahagas ruovttugieldda, váikkuha ruovttugieldda oažžun maid du dearvvašvuohtabálvalusaide. Go dutnje lea mieđihuvvon ruovttugielda, sáhtát geavahit visot almmolaš dearvvašvuođa fuolahusa bálvalusaid áššehasmávssu hattiin. Dearvvašvuođa bálvalusaid ordnema ovddasvástádus lea iežat buresbirgenguovllus. Don sáhtát geahččat buresbirgenguovlluid oktavuohtadieđuid sosiála- ja dearvvašvuohtaministeriija siidduin.

Gaskaboddasaš suodjaleami oažžun vuostáváldinguovddáš ordne dutnje dearvvašvuohtabálvalusaid, juos dus ii leat ruovttugielda

Juos don oaččut gaskaboddasaš suodjaleami Suomas, iige dus leat ruovttugielda, oaččut visot iežat dárbbašan dearvvašvuohtabálvalusaid vuostáváldinguovddáža bakte. Dát gusto maid, juos orut priváhtaidjadanbáikkis vuostáváldinguovddáža sajes. Vuostáváldinguovddážat sáhttet ordnet bálvalusaid juogo ieš háhkamiin bálvalusa almmolaš dehe priváhta doaibmis. Don oaččut dearvvašvuohtabálvalusaid seamma ákkaiguin go fásta Suomas orrut.

Juos mearridat ohcat ruovttugieldda, sirdás vuostáváldinbálvalusaid áššehasas gieldda ja buresbirgenguovllu bálvalusaid áššehassan. Ruovttugieldda mielde dearvvašvuohtabálválusaidat ordnen sirdása vuostáváldinguovddážis iežat buresbirgenguvlui.

Bargin dus lea riekti almmolaš dearvvašvuođa fuolahussii

Juos don orodat Suomas gaskaboddasaš suodjalusa vuođul ja álggahat bargama, oaččut ein iežat dearvvašvuohtabálvalusa vuostáváldinguovddážis. Juos dattetge oaččut orodanlobi bargama vuođul, don sáhtát geavahit almmolaš dearvvašvuođa fuolahusa bálvalusaid gieldda orru áššehasmávssu hattiin. Bivdde dalle Kela (Áel) čielggadit iežat rievtti dearvvašvuođa dikšumii Suomas.

Juos mearridat ohcat ruovttugieldda, sirdásat vuostáváldinbálvalusaid áššehasas gieldda ja buresbirgenguovllu bálvalusaid áššehassan. Ruovttugieldda mielde dearvvašvuohtabálvalusaidat ordnen sirdása vuostáváldinguovddážis iežat buresbirgenguvlui. Don it maid dárbbaš bivdit Kela čielggadit iežat rievtti dearvvašvuođa dikšumii Suomas, daningo ruovttugieldda mielde oaččut rievtti geavahit Suoma almmolaš dearvvašvuođa fuolahusa bálvalusaid automáhtalaččat.

Turistan oaččut hohpolaš dearvvašvuođa dikšuma

Juos don it leat registreren iežat orodanrievtti Suomas, don sáhtát orodit Suomas turistan 90 beaivvi friddja visumain. Dalle dus lea riekti hohpolaš buohccedikšumii Suoma almmolaš dearvvašvuođa fuolahusas. Govččat ieš iežat dikšuma goluin. Váldde vuhtii, ahte dikšungolut sáhttet loktanit alladin. Lassidieđuid gávnnat Buohccán Suomas mátkkoštettiin -siiddus.

Kela-goarttain oaččut njuolggobuhtadusa reseaptadálkasiin ja priváhta dearvvašvuođa fuolahusa bálvalusain

Buot ovdal namuhuvvon diliin sáhtát maid iežat hálu mielde geavahit Suoma priváhta dearvvašvuođa fuolahusa bálvalusaid iešgoasttidemiin. Go leat orron Suomas jagi, sáhtát ohcat Kelas (Áel) Kela-goartta. Kela-goarttain oaččut doaktára dutnje mearran reseaptadálkasiid hálbbibut apteaikkas. Kela-goarttain oaččut maid buhtadusa priváhta buohccedikšuma goluin. Don sáhtát lohkat lassidieđuid buhtadusain Kela siidduin.

Don sáhtát oažžut priváhta buohccedikšuma ja dálkasiid goluin buhtadusaid Kelas ovdal go jahki Suomas orrumis lea dievvan, juos ovdamearkka dihte bargama vuođul.

Váldde vuhtii dáid áššiid:

• Juos it leat sihkar iežat rievttis buohccedikšumii Suomas, don sáhtát leat oktavuođas Kela riikkaidgaskasaš áššiid guovddážii.
• Kela Diehtu Ukraina soađi váikkuhusain Kela ovdduide -siidduide leat čohkkejuvvon dávjá jerrojuvvon gažaldagat ja rávvagat ovdduid ohcamii.