Riikkaidgaskasaš stuđeanttaid vuoigatvuohta geavahit stuđeantadearvvašvuođa fuolahusa bálvalusaid Suomas rievdá 1.1.2021 rájes

Stuđeanttaid dearvvašvuohtadikšunvuođđudus (SDDV) ordne 1.1.2021 rájes stuđeantadearvvašvuođa bálvalusaid earret universiteahtaid, nu maiddái ámmátallaskuvlla stuđeanttaide. Sáhtát geavahit SDDV bálvalusaid, juos čađahat dutkosa ámmátallaskuvllas dehe universiteahtas ja don leat ilmmuhan iežat lohkanbadjái mieldeorrun. Juohke SDDV bálvalusaide vuoiggalaš allaskuvlastuđeanta máksá dearvvašvuohtamávssu Kelai. Váldde vuhtii, ahte don leat geatnegahtton máksui, vaikko čađahivččet dutkosa gáiddusin olgoriikkain, juos don leat ilmmuhan iežat lohkanbadjái mieldeorrun.  Lassidiehtu mávssu máksimis gávnnat Kela siidduin (suomagillii).

Juos don boađát Supmii stuđeantan EU- dehe Eeg-riikkas, Šveiccas, Austrálias dehe Kanada Quebecis, oaččut dikšuma maid almmolaš dearvvašvuohtafuolahusas ja buhtadusaid Kelas priváhta priváhta dearvvašvuohtafuolahusa, dálkasiid ja mátkkiid goluide.

Gielddaid dearvvašvuohtafuolahusas lea váldoovddasvástádus stuđeantalonohalliid dearvvašvuohtafuolahusas

Juos don leat stuđeantalonohalli, gii boahtá Supmii, dus ii leat vuoigatvuohta geavahit SDDV bálvalusaid. Gielddaid almmolaš dearvvašvuohtafuolahusas lea ovddasvástádus čuovvovaš riikkaid boahtti ámmátallaskuvllaid ja universiteahtaid stuđeantalonohalliid dearvvašvuohtafuolahusas:

• stuđeantalonohallit, geat bohtet EU- dehe EEG-riikkas dehe Šveiccas
• stuđeanttat, geat bohtet Stuora-Británnias, juos sis lea Stuora-Británnia mieđihan iežas stuđeanttaid dikšunriekteduođaštus. Goarttas galgá leat Suoma riikadovddaldat (FI)
• Austrália orrut ja doppe buohcama várás oadjuduvvon stuđeantalonohallit
• stuđeantalonohallit, geat bohtet Kanada Quebeca provinssas

Sáhtát čujuhit iežat vuoigatvuođa almmolaš dearvvašvuohtafuolahusa bálvalusaide čuovvovaččat:

• Juos boađát EU- dehe Eeg-riikkas dehe Šveiccas, čájet iežat eurohpalaš buohccedikšungoartta. Hága goartta ovdal go boađát Supmii iežat buohcanoadjolágádusas.
• Juos boađát Stuora-Británnias ja dus lea Stuora-Británnia mieđihan iežas stuđeanttaid dikšunriekteduođaštus, čájet dan dikšunaddái. Goarttas galgá leat Suoma riikadovddaldat (FI).
• Juos boađát nuppi Davviriikkas, sáhtát čujuhit iežat rievtti maid virggálaš identitehtaduođaštusain.
• Juos boađát Austrálias, čájet Austrália bássa dehe eará riikka bássa, mas boahtá ovdan ráddjemeahttun orrunriektát Austrálias.
• Juos boađát Kanada Quebecis, registrere iežat buohcanoadjolágádusa mieđihan duođaštusa Kelai. Oaččut Kelas duođaštusa, mainna čujuhat iežat rievtti dikšumii Suoma almmolaš dearvvašvuohtafuolahusas.

Juos boađát ovdal namuhuvvon riikkaid dehe guovlluid olggobealde, dus ii leat vuoigatvuohta almmolaš dearvvašvuohtafuolahusa bálvalusaide earret hohpolaš dikšuma. Hága priváhta buohcangollodáhkádusa, mainna sáhtát geavahit priváhta dearvvašvuohtabálvalusaid Suomas. Maiddái almmolaš dearvvašvuohtafuolahusa ollái gullevaš stuđeantalonohalliide lea gánnáhahtti váldit buohcangollodáhkádusa, mii gokčá dárbbu mielde almmolaš dearvvašvuohtafuolahusa viiddit dikšuma (ovdamearkka dihte guhkit buohccedikšunáigodagat, ruovttuiduhttin).