Rg-geassebeivviin addojuvvoje guigosat kosmopolihta ealáhatolbmuide
10.9.2018
Áel:a riikkaidgaskasaš geassebeaivvit ordnejuvvoje 28.-29.8.2018. Dán jagi guovddážis ledje bargiid ja ealáhatoažžuid riikkaidgaskasaš dilit. Vuosttaš beaivi streamejuvvui nehttii Áel:a váldokontuvrras, go fas nuppi beaivvi olbmuide rabas dilálašvuohta lágiduvvui Espoo Iso Omena (Stuora Eppel) bálvalanšiljus. Rájiid rasttildeaddji dearvvašvuohtafuolahusa kontáktačuokkis lei báikki nalde maŋit beaivve, goas vuojulduvvui ealáhatoažžuide.
Ain eanet suopmelaš ealáhatoažžut muosáhit aŋkke oasi jagis olgoriikkain. Oassi olbmuin sáhttet gárgiidit bottažii báhtarussii Suoma galbma dálvvi, go fas nuppit leat molson duovdagiid oalle bissovaččat. Riikkaidgaskasaš diliin, mat guoskkahit ealáhatoažžuid, ledje máŋga beroštahtti álggahansága, main loktejuvvoje ovdan áššit, maid ovdamearkka dihte olgoriikkaide fárrejeaddji dehe doppe oasi jagis orru ealáhatoažžu gánnáha doallat muittustis.
Byrokratiija moalkkit deahtistuvvon čielga infobáhkkan
Beaivi álggii Álbmotregisttarguovddáža Torbjörn Sandella ovdanbuktimiin, mas son muitalii, mot oasi jagis olgoriikkain orodeaddji ealáhatoažžu ruovttusuohkan mearrahuvvá. Barbro Lillqvist Ealáhatdorvoguovddážis doalai gokčevaš ovdanbuktima dain áššiin, maid ealáhatoažžu šaddá ilmmuhit bargoealáhatlágádussii olgoriikkaide mutkkodettiinis dehe doppe orodettiinis. Jonna Salmela fas dovdáhii olbmuid dasa, movt Áel:a ealáhatáššit riikkaidgaskasaš diliin ollašuvvet.
Áel:a geahččanguovllu bukte ovdan maid Päivi Kuivasniemi, gii ovdanbuvttii olgoriikkaide dollejeaddji vuoigatvuođa sosiáladorvui, ja Sanna Kuorikoski, gean sáhkavuorru gieđahalai dan, makkár divššu ealáhatoažžus lea riekti oažžut riikkaidgaskasaš diliin. Beaivvi loahpahii Vearrohálddahusa Kaisa Mensonen, gii attii rávvagiid olgoriikkaide muotkuid ealáhatoažžuid vearuhusas.
Beaivvi áiggi beasai nappo gullat máŋgga sierra eiseválddibeali oaidninvuogi ealáhatoažžuid riikkaidgaskasaš diliide, ja ávkkálaš dieđu mearri lei issoras! Lihkus ovdanbuktimiid báddemat gávdnojit maid suomagillii Áel:a Youtube-kanálas, gos daid sáhttá friddja geahččat maid maŋálgihtii.
“Mot de geavadis?”
Rájiid rasttildeaddji dearvvašvuohtafuolahusa kontáktačuokkis vuojulduvai juohkit dieđu báikki nala boahtán ealáhatoažžuid geavada áššiin. Ovdamearkka das maid bargat, jos buohccá fáhkkestaga olgoriikkain orodettiinis, gos gávdno suomagiel lassidiehtu vaikkobe Espánnja dearvvašvuohtabálvalusain dehe manin eurohpalaš buohccedikšungoarta lea ávkkálaš maid ealáhatolbmui. Min ivdnás beavdámet fálai maid báikki, gosa ealáhatoažžut sáhtte álkit bisánit humadit maid eará beaivvi áigeguovdilis áššiin, riikkaidgaskasaš geahččanguovllus dehe almmá dan haga.