Rájisis buore beaivvi!

Dikšunbáikkiválljen.fi ávvudii mannan vahku 3-jagášriegádanbeivviidis. Mearrideimmet dan gudnin dahkat smávva čalmmustuhttima Rájiid rasttildeaddji dearvvašvuohtafuolahusa kontáktačuoggás dehege  Rájisis, mii lea dan duohken. Geat mii leat, maid mii bargat ja mot sáhttit veahkehit.

Rájisa mávssolaččamus bargu lea diehtojuohkin. Min váldokanála lea Dikšunbáikkiválljen.fi-siiddut. Mii muitalit, mot don sáhtát atnit dearvvašvuohtafuolahusa bálvalusaid Suomas ja olgoriikkain, man diliin dus lea riekti buohccedikšumii ja mot golut buhttejuvvojit. Daningo (doaŋggesgielat) informašuvdna lea dáin fáttáin hirbmat valjis, de mii viggat čalmmustuhttit mávssolaččamusa ja hábmet dan čielga ja álkit ipmirdahtti hápmái.

Álot bohciidit goitge gažaldagat, main siidduinemet ii vealtakeahttá gávnna njuolggovástádusa oba dávjá jerrojuvvon -ossodagas. Midjiide sáhttá sáddet maid šleađgaboastta dehe lahkonit máhcahatgássa bakte. Veahkehit mielalis Rájisis ja vástidit almmolaš dásis gažaldagaide rájiid rasttildeaddji dearvvašvuohtafuolahusas. Jos eat máhte vástidit, nu oahpistit jearri ovddos rievttes báikkiide.

Rájis lea jagi mielde deaivamis sierralágán dáhpáhusain, ovdamearkka dihte Mátkemeassuin ja Gieldamárkaniin. Min gullomiid sáhttá čuovvut maid suomagillii Twitteris.

Geat mii dasto leat? Dán vuoru Rájisii gullet kontáktačuoggá hoavda Marika ja golbma bargi: Pia, Annamari ja Mira. Dasa lassin min veahkeha čavčča áigge allaskuvlahárjehalli Sara. Rájis leanai joavkun oalle unni, muhto dađinai áhpasit.