Rájiid rasttildeaddji dearvvašvuohtafuolahusa kontáktačuoggá bránda ođasnuvai

Rájiid rasttildeaddji dearvvašvuohtafuolahusa kontáktačuoggá ođđa brándarávven lea gárvánan ja váldon atnui kommunikašuvnnas ja EU-dearvvasvuodadiksun.fi-siidduin. Min ulbmilin lea eiseváldi, gean lea álki lahkonit, gii lea áššehasa bealde, ja gii juohká luohtehahtti dieđu rájiid rasttildeaddji dearvvašvuohtadikšumis ja buohcci rivttiin. Brándabarggus ođasnuhtiimet min visuálalaš gárvvi ja čielggasmahtiimet kontáktačuoggá gulahallanvugiid.

Manin ođasnuhtiimet bránda?

Brándabarggu duogábealde lea leamaš dárbu čielggasmahttit ja álkidahttit kontáktačuoggá beaivválaš kommunikašuvnna. Álggaheaimmet kontáktačuoggá árvvuid ja kommunikašuvnna giela suokkardallamiin. Jearahallamiin gártiimet maid áššehasain ja čanusjoavkkuin, makkár miellagovaid kontáktačuokkis bohciidahttá ja man bures min dovdet.

Bohtosiin loktanii ovdan, ahte kontáktačuokkis ii lean beare gallásii oahpes doaibmi. Oppalaččat vástideaddjit atne kontáktačuoggá luhtolaš vuohkásažžan ja EU-dearvvasvuodadiksun.fi-siidduid fállan dieđu dehálažžan. Seammás kritihkka bođii ovdamearkka dihte leabohis ivdnemáilmmis ja das, ahte fierbmesiidduin ii dallána oaidnán, mii beliid daid bajásdoallá. Dáidda čuolmmaide mii leat viggan dávistit brándabarggus.

Beaiváduvvon visuálalaš gárvi

Ođastus oidno earenoamážit kontáktačuoggá visuálalaš gárvvis. Ođđa gárvi lea mielde buot áššin maid bargat, dego dáhpáhusain, sosiálalaš medias, fierbmesiidduin ja kommunikašuvnna materiálain.

Áššálaččat ja luhtolaččat miellagova ožžuma dihte čielggasmahtiimet iežamet atnin ivnniid ja govuheami. Brándaođastusa olis kontáktačuoggái leat maid háhkkojuvvon ođđa čuovgagovat.

Ođđa gárvi oidno fierbmesiidduin

Geassemánu áigge beaivádeimmet EU-dearvvasvuodadiksun.fi-fierbmesiidduid visuálalaš gárvvi. Ođđa gárvvi plánen vulggii johtui jurdagis ráfáiduhttit ja varasnuhttit fierbmesiidduid geahčadanmuosáhusa. Gárvvi bakte viggat ovttageardánahttit ja álkidahttit siidduid atnima ja váldit vuhtii earenoamážit mobiilabiergasiin fierbmesiidduin gallededdjiid. Joatkit ovdánahttinbarggu čakčat siidduid doaibmivuođa ja ráhkadusa ođasnuhttimiin.

Ovdánahttit iežamet doaimma dás ovddosge

Viggat geažos áigge buoridit bálvalusaideamet, vai sáhttit veahkehit áššehasaid buoremus vejolaš vugiin ja juohkit áigeguovdilis dieđu rájiid rasttildeaddji dearvvašvuohtafuolahusa áššiin.

Juos dus leat evttohusat kontáktačuoggá kommunikašuvnna dehe fierbmebálvalusa ovdánahttima várás, válddáthan midjiide oktavuođa EU-dearvvasvuodadiksun.fi-siidduid máhcahatskovi bakte.