Kontáktačuokkis oidnui ja gullui jagi 2018 – mii lea vuordimis 2019?

Jahkemolsumis lea buorre bisánit oanehažžii ja geahččat maŋos. Mot Rájiid rasttildeaddji dearvvašvuohtafuolahusa kontáktačuoggá jahki manai ja guđe guvlui geahčastagat sirdojuvvojit dán jagi?

Kontáktačuokkis deaivvai olbmuid sierra dilálašvuođain

Kontáktačuokkis álggahii jagi 2018 juo árbevierrun šaddan mátkemeassuin Helssega Meassoguovddážis. Deaivvaimet meassuid áigge duháhiid mielde turismmas beroštuvvan stuđeanttaid, bargoahkásaččaid ja ealáhatolbmuid. Meassogussiid diŋgoje ossodagas eurohpalaš buohccedikšungoartta ja suokkarde buhttego Áel olgoriikkain addojuvvon buohccedikšuma. Meassut ledje hui bures lihkostuvvan ja čivge maid fiinna jagi meassojoavku-evttohasvuođa Meassoguovddáža Mesoaja-Gálai. Vuoitit čilget njukčamánu 2019.

Kontáktačuokkis oidnui jagi mielde maid eará dáhpáhusain. Guovvamánu galledeimmet Dearvvašvuođa ja buresbirgejumi lágádusas Áššehasat ja sode-semináras, ja cuoŋománu HUS Helssega universteahtalaš buohcciviesu Áššehasa vuoigatvuođaid beaivvis. Miessemánu kontáktačuoggá meassočuokkis lei mielde dearvvašvuohtasuorggi ámmátolbmuide dárkkuhuvvon TERVE-SOS (sámás: DEARVVAŠ-SOS) -dáhpáhusas Hämeenlinnas. Čakčamánu oahpisteimmet áššehasaid, geat plánejit olgoriikkaide fárrema RK (riikkaidgaskasaš)-geassebeivviin Stuora Eppela Bálvalanšiljus, ja golggotmánu oassálasttiimet buresbirgensuorggi organisašuvnnaide oaivvilduvvon Soste-fanasmátkái.

Kontáktačuokkis oidnui sosiála medias

Guovvamánu oaččuimet helpema ilá guhkes nama jietnadeapmái, daningo leaikamielalaš jiellahastalannammagilvvu čuovvumuššan Rájiid rasttildeaddji dearvvašvuohtafuolahusa kontáktačuokkis oaččui guoimmuhannama Rajis (sámás: Rájis).

EU-riikkaid kontáktačuoggát čoahkkane njukčamánu Brüsselis. Komisšuvdna čalmmustahtii dutkamuša, mas geahčaduvvojedje kontáktačuoggáid áššehasbálvalus ja fierbmesiiddut. Suoma kontáktačuokkis birgii dutkamušas bures. Earenoamáš giittosa kontáktačuokkis oaččui some-oinnolašvuođas, daningo máŋggas EU-kontáktačuoggáin árvvoštalle some-konttuid vuođđudeami. Rájis dan sadjái jotkkii gievrras njunušsajis leahkima nu ahte almmustuhtii Twitter-konttu guoibmin Facebook-konttu. Dasa lassin plánejeaddjimet Pia bloggii ee. manin suopmelaččat vulget dikšuma várás olgoriikkaide, rájiid rasttildeaddji dearvvašvuohtafuolahusa statistihkain sihke das, masa eurohpalaš buohccedikšungoarta dárbbašuvvo.

Miessemánu kontáktačuokkis oidnui fierpmis reklámakampánnjas. Kampánnjas sárgunfiguvrrat buohccájedje influensái ja ožžo unnabárttážiid luomus, sihke guorahalle smáiteoperašuvnnaid, gynekologiijafitnamiid ja čibbečuohpahusaid olgoriikkain.

Hoitopaikanvalinta.fi (sámás: saame.hoitopaikanvalinta.fi)-siiddut ođasnuhttojuvvoje áššehasaiguin

Hoitopaikanvalinta.fi (sámás: saame.hoitopaikanvalinta.fi)-siiddut ovddiduvvojedje ovttasráđiid áššehasaiguin. Ovdasiidu ođasnuhttojuvvui miessemánu ja jagi mielde siidduid deavsttat divttistuvvojedje ja čielggasmahttojuvvojedje. Siidduide maid buktojuvvojedje ovdan ođđa sisdoalut, maidda čohkkejuvvojedje dearvvašvuohtaáššiid vuhtiiváldi muitinlisttut stuđeantalonohalliide, Eurohpas luomu dolliide sihke olgoriikkaide dikšuma várás vuolgiide. Muitinlisttuid lassin sidduide lasihuvvojedje ovdamearkamuitalusat.

Jagi 2019 guovddážis leat áššehasat

Dán jagi kontáktačuoggá ovttežin leat áššehasat. Mii bálvalit áššehasaid šleađgaboastta bakte čujuhusas yhteyspiste(at)kela.fi. Plánat Hoitopaikanvalinta.fi (sámás: saame.hoitopaikanvalinta.fi)-siidduid ovdasiiduođastusas leat juo guhkkin ja sierra čuozáhatjoavkkuide oaivvilduvvon čoahkkesiiddut sihke muitalusat leat boahtime lasi. Gulahallat aktiivvalaččat sosiála media kanálain ja mii leat deaivamis sierra dáhpáhusain. Ođđajagimánu 17.-20. beaivve kontáktačuokkis oassálastá fas mátkemeassuide. Jos hálidat leat mielde ovddideame min doaimma, sávvat dutnje buresboahtima liggosit kontáktačuoggá áššehasráđđái.