Kontáktačuokkis mielde SuopmaArena Álbmotšiljus Poris 15.-19.7.2019
9.7.2019
Rájiid rasttildeaddji dearvvašvuohtafuolahusa kontáktačuokkis lea deaivamis SuopmaArena Álbmošiljus Poris 15.-19.7.2019. Kontáktačuokkis gohtte Pori Gávpetoargga ravdii ovttasráđiid Áel:iin ja Vuorká-bálvalusain.
Dealttás sáhtát ságastallat kontáktačuoggáin, Áel:a ja Vuorká-bálvalusaid áššedovdiiguin sihke oahpásnuvvat buot doibmiid bálvalusaide. Dasa lassin sáhtát oassálastit leaikamielat bircospellui dehe viežžat geasuheaddji Kela-Kerttu sirdingova.
Kontáktačuokkis neavvu dearvvašvuohtabálvalusaid geavaheamis olgoriikkain
Kontáktačuokkis neavvu riikkaidgaskasaš diliin, ovdamearkka dihte mot sáhtát vuolgit dikšuma várás olgoriikkaide, makkár vuoigatvuođat buohccis leat dehe mot dikšun buhttejuvvo. Rájiid rasttildeaddji dearvvašvuohtafuolahusa kontáktačuokkis gávdno juohke EU-riikkas. Suomas kontáktačuokkis bálvala dikšunbáikkiválljen-siidduin sihke šleađgaboastta bakte.
– Dikšunbáikkiválljen-siiddut leat dárkkuhuvvon veahkkin buohkaide, geat dárbbahit juoga sivas dikšuma Suoma rájiid olggobealde. Mátkkálažžii ávkkálaš diehtun leat muitinlogahallan mátkái vuolgái sihke badjel 50 riikkas muitaleaddji riikagovvádusat, geažida kontáktačuoggá plánejeaddji Pia Blomqvist.
Vuorká ráhkada áidnalunddot sosiála- ja dearvvašvuohtafuolahusa bálvalanollisvuođa
Vuorká buvttada sosiála- ja dearvvašvuohtafuolahusa digitála bálvalusaid, mat ávkkuhit riikkavuložiid ruovttueatnamis go olgoriikkainge. Vuorká-bálvalusat leat earret eará Iežasvuorká ja Resepti (sámás: Reseapta). Iežasvuorkkás oainnát ovdamearkka dihte iežat dearvvašvuohtadieđuid, reseaptta ja vuollái 10-jahkásaš fuolahanvuloža dieđuid. Iežasvuorkkás sáhtát maid bivdit reseaptta ođasnuhttima dehe vurket iežat buresbirgendieđuid buresbirgenheivehusa mielde. SuopmaArenas beasat oahpásnuvvat Iežasvuorkká geavaheapmái ja ságastallat áššedovdiiguin.
Suopmelaš šleađgareseapttain lea ođđajagimánu rájes ožžon dálkasiid olgoriikkain. Vuosttažiid joavkkus riikan bálvalusas leat mielde Estteeanan ja Kroatia. – Boađe dealtái gullat, makkár vejolašvuođat Rájiid rasttildeaddji reseapta mátkkošteaddjái fállá, sávvá Miia Luoma Vuorká-bálvalusaid kommunikašuvnnas.
SuopmaArena prográmma lea rabas buohkaide
SuopmaArena ordnejuvvo Poris juo 14. háve. Arenas ságastallojuvvo suopmelaš servodagas lotkadit geassedovdduiguin. Ságastallama lassin dáhpáhusas leat fálaldahkan musihkka, lihkadeapmi ja čájálmasat. Buot dilálašvuođat leat gallededdjiide rahpasat ja nuvttá. Dáhpáhusa váldofáddán leat boahtteáigge máhttin ja innovašuvnnat. Álbmotšillju lea rabas mánnodaga diibmu 9-17, disdagas duorastahkii 10-17 ja bearjadaga 10-16.
SuopmaArena oidno vahku áigge valjis medias. Arena prográmma sáddejuvvo MTV3-kanálas. Sáhtát čuovvut dáhpáhusdovdamušaid maid