Kontáktačuokkis báhkke gálvočájáhuskaravána Oulu TERVE-SOS -dáhpáhusa guvlui 23.-24.5.2019

Sosiála- ja dearvvašvuohtasuorggi jahkásaš TERVE-SOS -áššedovdidáhpáhus čohkke fas miessemánus duhátnáre guldaleddjiid joavkku čuovvut 15. seminára ja badjel 70 áššedovdi sáhkavuoru sosiála- ja dearvvašvuohtasuorggi giettis. Oulus leat mielde badjel 50 sosiála ja dearvvašvuohta suorggi doaibmi, geat buktet dáhpáhussii iežaset čájáhusčuoggáid – nu maid Rájiid rasttildeaddji dearvvašvuohtafuolahusa kontáktačuokkis. TERVE-SOS lágiduvvo Oulus 23.-24.5. ja dáhpáhusbáikin lea Oulu teáhter.

TERVE-SOS 2019 fáddán lea ”Máilbmi rievdá – nabe mii?”. Dáhpáhusas sáhttá gullat sáhkavuoruid buresbirgenteknologiijas, fierpmádagain ja dorvvolašvuođas.

Kontáktačuoggá čájáhusčuoggás sáhtát jearrat riikkaidgaskasaš buohccedikšumis

Rájiid rasttildeaddji kontáktačuokkis vuolgá buoremielalaš joavkkuin Oulu guvlui. Válmmaštallanbarggut TERVE-SOS:a várás leat áŋgirit jođus. Kontáktačuokkis ásaha iežas čájáhusčuoggá Oulu teáhterii ja vuordá movttamielain guossástalliid čuoggásis. Ovddit jagit leat čájuhan, ahte vuoigatvuohta dearvvašvuohtafuolahussii EU-guovllus lea áššedovdiid sakka beroštahtti fáddá.  Kontáktačuoggá ossodagas sáhtát jearrat ja ságastallat riikkaidgaskasaš buohccedikšuma diliin, dego dikšumii beassamis go buohccát mátkkis dehe dikšuma maŋis eará riikkaide mátkkošteamis. Sáhtát maid oahpásnuvvat sámegiel dikšunbáikkiválljema-fierbmebálvalussii.

Čuovo dáhpáhusdovdamušaid kontáktačuoggá some-kanálain

Sáhtát čuovvut Oulu dáhpáhusdovdamušaid kontáktačuoggá sosiála media kanálain Facebookas ja Twitteris. Dáhpáhusa virggálaš fáddágilkor lea #tervesos.

Lassidieđut TERVE-SOS 2019 dáhpáhusas gávdnojit suomagillii dáhpáhusa fierbmesiidduin.