Kela.fi: Brexit sirdináigodat nogai, Kela čielggada ođđa soahpamuša váikkuhusaid sosiáladorvui
5.1.2021
Stuora-Británnia- ja EU-gaskasaš earrosoahpamuša sirdináigodat nogai 31.12.2020. EU ja Stuora-Británnia leat ožžon ođđa gaskavuođa ráđđádallamiid lohppii 24.12.2020. Ođđa soahpamuš guoskaduvvo gaskaboddasaččat, dassážii go dat nannejuvvo loahpalaččat. Kela čielggada, mot ođđa soahpamuš váikkuha sosiáladorvui.
Earrosoahpamuš dorvvasta dás maŋásge sosiáladorvovuoigatvuođaid daidda olbmuide, geat leat johtán EU-riikkaid ja Stuora-Británnia gaskkas ovdal 31.12.2020 dehe leat dakkár olbmuid bearašlahtut. Johtimiin riikkaid gaskka dárkkuhuvvo muotkun riikkas nubbái dehe barggu dehe stuđerema álggaheapmi nuppi riikkas. Sirdináiggi maŋŋel EU ja Stuora-Británnia gaskkas johtti olbmuid sosiáladorvu sorjá Stuora-Británnia ja EU ođđa gaskavuođa soahpamuša sisdoalus. Ođđa soahpamuš guoská 1.1.2021 dehe dan maŋŋel johtti olbmuid. Kela čielggada bárrásiin, mat váikkuhusaid ođđa soahpamušain lea sosiáladorvui.
Áigeguovdilis diehtu Kela brexit-siiddus
Diehtu brexitis -siidui lea čohkkejuvvon diehtu das, mot brexit váikkuha du sosiáladorvui, juos du orrun, bargan dehe stuđeren Suomas dehe Stuora-Británnias lea álgán ovdal sirdináigodaga nohkama dehe dan maŋŋel.
Kela dievasmahttá siidui nu jođánit go vejolaš dieđu ođđa soahpamuša váikkuhusas sosiáladorvui.