Kanta.fi: Suopmelaš šleađgareseapttain sáhttá dál háhkat dálkasiid Portugálas– Suomas dálkasiid oažžu portugálalaš ja kroatialalaš reseapttain

Dálkasa sáhttá oastit olgoriikkain suopmelaš reseapttain, go fal lea addán Vuorká-bálvalusas miehtama, ahte dieđut sáhttet luobahuvvot olgoriikkalaš apteikii.

Reseaptta johtimis riikkaid gaskka ávkahuvvet earret mátkkálaččat nu maiddái olgoriikkain orrut ja dat, geat barget eará sajes go iežaset ruovttueatnamis.

– Portugálas orrot suopmelaččat, geaidda sáhttá lea dárbbašlaš háhkat dálkasiid iežaset riikka šleađgareseapttain, dadjá áššehasovddasvástideaddji Sini Palo Kela Vuorká-bálvalusain. Doaisttážii Portugálas dálkasiid sáhttá háhkat ovtta apteaikkas ja dađistaga maid earáin.

Ovdal Portugála suopmelaš reseapttain lea sáhttán háhkat dálkasiid Estteeatnamis ja Kroatias. Estteeatnamis dat vejolašvuohta adnojuvvo ávkin juo viššalit.

– Vaikko mátkkoštanráddjehusaid dihte reseapttaid doaimmahanmearit leat molsašuddan giđa ja geasi áigge, nu suoidnemánus Estteeatnama apteaikkain ostojuvvoje dálkasat juo badjel 800 háve suopmelaš reseapttain. Dát dávistii diimmá suoidnemánu dássái, Sini Palo muitala.

Muitinlistu reseaptadálkasa háhkamii suopmelaš reseapttain olgoriikkain

Čuovvovaš áššiid gánnáha váldit vuhtii ovdal apteikii mannama olgoriikkain.

• Dálkasiid oastin olgoriikkain gáibida, ahte riikkavuloš lea addán Vuorká-bálvalusas miehtama dasa, ahte dieđut sáhttet luobahuvvot olgoriikkalaš apteikii. Apteikii galgá váldit mielde bássa dehe persovdnagoartta.
• Kela-buhtadusat olgoriikka dálkkasoastimiin sáhttet ohccojuvvot maŋálgihtii Suomas.
• Olgoriikkain eai sáhte háhkkojuvvot gárehuhtti dálkasat eaige dálkasat, mat váikkuhit guovddášnearvavuogádahkii, dehege VGV-dálkasat (váldoáššis guovddášnearvavuogádahkii váikkuheaddji), mat gáibidit álgoálgosaš reseaptta.
• Portugálas apteaikkat bohtet mielde dađistaga, nu ahte gánnáha sihkkarastit ovddalgihtii, doaibmágo eurohpalaš šleađgareseapta apteaikkas.

Suopmelaš apteaikkain dálkasat leat dán jagi geassemánu rájes sáhttán háhkkojuvvot estteeatnanlaš reseapttain. Dál dálkasat sáhttet háhkkojuvvot maid portugálalaš ja kroatialalaš reseapttain ja dađistaga maid eará Eurohpa riikkaid reseapttaiguin.

Gáldu: Kanta.fi

Lassidieđut (suomagiel liŋkkat):

• Lääkkeen osto ulkomailta ja palvelussa mukana olevat virolaiset ja portugalilaiset apteekit (sámás: Dálkasa oastin olgoriikkain ja estteeatnanlaš ja portugálalaš apteaikkat mat leat bálvalusas mielde)
• Lääkkeen osto ulkomaisella reseptillä Suomesta (sámás: Dálkasa oastin olgoriikkalaš reseapttain Suomas)