Kanta.fi: Suopmelaš elektrovnnalaš reseapttain sáhttá dál háhkat dálkasiid Čeahkas
7.10.2024
Suopmelaš elektrovnnalaš reseaptta atnu Eurohpas viidu fas. Ođđa riikan fárrui lea boahtán Čeahkka.
Don sáhtát dálá áigge háhkat reseaptadálkasiid suopmelaš reseapttain muhtin apteaikkas Čeahkas. Sáhtát dárkkistit čeahkkalaš apteaikkat, mat leat bálvalusas mielde báikkálaš eiseválddi fierbmebálvalusas (epreskripce.cz, eŋgelasgillii). Seamma ládje čeahkkalaš elektrovnnalaš reseapttain sáhttá dál oastit dálkasiid maid Suomas.
Čeahka lassin suopmelaš reseapttain sáhttá oastit dálkasiid Estteeatnamis, Portugálas, Kroáhtias, Espánnjas ja Polskkas.
Muitinlistu reseaptadálkasa háhkamii suopmelaš elektrovnnalaš reseapttain olgoriikkain
Muitte čuovvovaš áššiid ovdal apteikii mannama olgoriikkain:
- Váldde mielde apteikii bássa dehe govalaš persovdnagoartta.
- Dárkkis kanta.fis, sáhttágo du háliidan dálkasa oastit olgoriikkain.
- Suopmelaš elektrovnnalaš reseaptta atnu Eurohpas viidu unnánaččaid, nu ahte sihkkarastte ovdal mátkki, leago bálvalus anus mátkečuozáhagastat.
- Don sáhtát oastit dálkasiid dušše iežat reseapttain. Nuppi rávesolbmo dehe vuolleahkásačča beales áššiid dikšun ii leat vejolaš.
- Sáhtát ohcat Kela-buhtadusaid iežat olgoriikkain dahkan dálkkasoastimiin OmaKelas (kela.fi).
Eurohpalaš elektrovnnalaš reseapta -bálvalus álkidahttá mátkkošteaddji dálkkasdikšuma
Eurohpalaš elektrovnnalaš reseapta -bálvalusa ulbmilin lea sihkkarastit Eurohpas johtti riikkavuložiid dikšuma joatkevašvuođa ja dorvvolaš dálkkasdikšuma. Juos olmmoš dárbbaha dálkasiid nuppi Eurohpa riikkas orodettiinis, son sáhttá oastit daid guoskevaš riikka apteaikkas.
Oktasaš elektrovnnalaš válvalusaid bakte reseaptadieđut johtet dorvvolaččat ja áhpasit. Elektrovnnalaš eurohpalaš reseapta doarju maid buohcci ollislaš dálkkodeami háldema.