Kanta.fi: Espánnja dearvvašvuohtafuolahus sáhttá dál atnit ávkki Suomas registrerejuvvon buohccedieđuinat, juos attát dasa lobi
23.9.2024
Espánnja dearvvašvuohtafuolahus sáhttá dál atnit ávkki Suomas registrerejuvvon buohccedieđuinat, juos attát dasa lobi. Du buohccedieđut sáhttet adnojuvvot ávkin dál maid Espánnja dearvvašvuohtafuolahusas du dikšuma olis. Miehtama dása sáhtát addit MuKanta-bálvalusas.
Buorredásat dikšuma dáhkideami várás lea dehálaš, ahte maid olgoriikkain dearvvašvuohtafuolahusa ámmátolbmos leat áigedásásaš dieđut du dearvvašvuođa dilis.
Buohccedieđuid sáhttá gaskkustit Suomas
- Estteeatnamii
- 23.9. rájes Espánnjii.
Bálvalus lea dán muttos gustojeaddjin dušše Espánnja dihto oasis. Mielde leat goitge earret eará Beaivvášriddu, Kanáriasullot, Katalonia ja Madrida guovlu.
Olgoriikkalaš ámmátolbmuin ii leat njuolggobeassan du buohccedieđuide. Du dieđut eai sáhte gaskkustuvvot nuppi Eurohpa riikka dearvvašvuohtafuolahussii almmá du miehtama haga. Sáhtát addit dan MuKanta-bálvalusas.
Buohccedieđuidat bakte báikkálaš ámmátolbmot ožžot dárbbu mielde jođánit oidnosii deháleamos dieđuid dearvvašvuohtadilistat, juos divššut áššiid dearvvašvuohtafuolahusas. Buohccedieđuid johtin Eurohpa rájiid rastá buorida suopmelaččaid dikšuma joatkevašvuođa ja buohccedorvvolašvuođa.
Deháleamos buohccedieđut jođánit ja čohkkejuvvon hámis oidnosii
Du dieđut gaskkustuvvojit elektrovnnalaččat rájiid rastá buohccedieđuid čoahkkáigeasu bakte. Buohccedieđuid čoahkkáigeassu lea čohkkehus deháleamos dearvvašvuohtadieđuinat. Dearvvašvuođa ámmátolmmoš oaidná čoahkkáigeasus ráddjejuvvon hámis buohccedieđuid, mat dus leat ovdal registrerejuvvon Suomas.
Gaskkustanvuloš dieđut čoggojuvvojit čoahkkáigessui Suomas Kantai furkejuvvon dearvvašvuohta- ja dálkkodandieđuinnat. Dát leat earret eará allergiijat, dálkkodeapmi ja diagnosat.
Maŋŋel buohccedieđut sáhttet gaskkustuvvot maid eará sadjái Eurohpii ja Eurohpas Supmii.