Hoitopaikanvalinta.fi (sámás: saame.hoitopaikanvalinta.fi) viđat jahki álgá: sisdoalu ođasteapmi ja ođđa namma

Hoitopaikanvalinta.fi (saame.hoitopaikanvalinta.fi) ávvuda golggotmánu álggus njealjijagášriegádanbeivviidis bargamiin. Njealji jagi áigodat lea dárkkuhan siidduid bistevaš ovddideami, mas sidoallu, ráhkadus go olgguldas hápmige lea ođasnuhtton ovttasráđiid áššehasaideametguin. Maiddái čuovvovaš ođastusas min áššehasaineamet oažžun máhcahat lea dehálaš rollas: Hoitopaikanvalinta.fi (saame.hoitopaikanvalinta.fi ) molsu namas boahtte jagi.

Mii obanassii leage earáhuvvan ja mii lea boahtime? Mii čohkkiimet vulobeallái deháleamos dán jagi vássán ja boahttevaš ođastusain.

Suoma dearvvašvuohtafuolahusa dieđut, mat guske válljenfriddjavuođa johte Suomi.fi-siidduide

• Dieđut dearvvašvuohtastašuvnna, buohcciviesu ja eará dearvvašvuohtabálvalusaid válljemis Suomas gávdnojit miessemánu rájes Suomi.fi-siidduin.
• Rievdadusa maŋŋel molssuimet Vállje iežat dikšunbáikki -oasi namman Dearvvašvuohtabálvalusat Suomas.

Hoitopaikanvalinta.fi (sámás: saame.hoitopaikanvalinta.fi) vuojulduvvá rájiid rasttildeaddji dearvvašvuohtabálvalussii

• Sisdoallorievdadusaid maŋŋel min siidduid fokus dárkkálnuvai: Hoitopaikanvalinta.fi (saame.hoitopaikanvalinta.fi) oahpista dearvvašvuohtafuolahusa riikkaidgaskasaš diliin.
• Mii ođasnuhtiimet ovdasiiddu ja loktiimet dohko ovdan áššehasaid sávvan sisdoalu: oktavuohtadieđuid, liŋkkaid dávjá jerrojuvvon gažaldagaide, fáddásiidduide ja bloggái sihke ‘someseainni’, mas oidnojit kontáktačuoggá sosiála media varraseamos almmustuhttimat.

Beivejuvvon ja ovdalaččage čielgasit sisdoallu

• Dálkasat, Maid ieš mávssát, Dearvvašvuohtabálvalusat olgoriikkain ja Dikšumii olgoriikkain Supmii -osiid sisdoallu ja ráhkadus beivejuvvui álgojagi áigge.
• Kontáktačuoggá siidu ođasnuhttojuvvui ja hárvenašbuozalmasaid fierpmádagas muitaleaddji siidu lea bargojuvvome.
• Riikaguovdasaš diehtu dearvvašvuohtabálvalusain -oasi riikasiiddut beivejuvvojit čavčča mielde ja vejolaččat lasihuvvojit maid ođđa riikasiiddut.
• Čuovvut dearvvašvuohtafuolahusa suorggi ja láhkaásaheami rievdadusaid, mat dávjá váikkuhit maid min siidduide. Ovdamearkka dihte brexit dehege Stuora-Britannia earraneapmi Eurohpa uniovnnas dagaha rievdadusaid siidduidasamet.
• Boahtte jagi áigge mii beivet seavagiel siidduideamet, dehege giehtačállit ja govvidit ođđa seavagiel videoid.
• Smiehttat maid dieđuid mat laktásit láhkaásaheapmái ja mii lea buoremus vuohki buktit daid ovdan siidduineamet, vai lohkkit gávdnet álkit iežaset dárbbahan dieđuid.
• Ráhkadit lasi fáddásiidduid ja muitalusaid, mat muitalit rájiid rasttildeaddji dearvvašvuohtafuolahusa diliin.
• Oažžašuvvangáibádusat gáibidit unna teknihkalaš rievdadusažiid siidduidasamet ja dahkat oažžašuvvančilgehusa.

Hoitopaikanvalinta.fi ((sámás: saame.hoitopaikanvalinta.fi) oažžu ođđa nama

• Siidduid namma molsojuvvo jahkemolsašumis – čalmmuhtahttit ođđa nama loahppajagi, čuovo mielde!
• Álgoálggus jurdda siidduid nama ođasnuhttimis šattai áššehasaideamet addin máhcahaga vuođul. Áššehasat leat maid oassálastán ođđa nama válljemii.
• Ulbmilin lei gávdnat siidduide nama, mii buorebut govvida dan dálá sisdoalu ja riikkaidgaskasaš dimenšuvnna.

Hálidivččetgo don oassálastit Hoitopaikanvalinta.fi- (sámás: saame.hoitopaikanvalinta.fi) siidduid gárgeheapmái?

Ovddidit siidduid geažos áigge ovttas áššehasaideametguin. Hálidivččetgo oassálastit ovddidanbargui? Oahpásnuva áššehašráđđáseamet ja váldde midjiide oktavuođa!