Gieldamearrideaddjit čoahkkanit Gieldadállui: Dikšunbáikkiválljen.fi lea mielde Gieldamárkaniin 13.–14.9.2017

Rájiid rasttildeaddji dearvvašvuohtafuolahusa kontáktačuokkis oahpásnuhttá Dikšunbáikkiválljen.fi-fierbmebálvalussii gieldasuorggi ámmátolbmuid dáhpáhusas Gieldamárkaniin, gosa vurdojuvvojit lagabui 7 000 galledeaddji. Gieldamárkanat lea Suoma áidna almmolaš hálddahusa forum, mas čalmmuhtuhttojuvvojit visot gieldasuorggi hálddahussektorat. Maiddái stáhta hálddahus, fitnodagat ja searvvit leat mielde. Guovtti beaivvi áigge seminárain ja dárkkesinfoin suokkarduvvojit gieldasuorggi áigeguovdilis fáttát, dego sode-integrašuvdna, digitaliseren ja gielddaid ekonomiija. Oassi logaldagain leat maid ruoŧagillii.

– Gánnáha mohkastit min ossodagasteamet S25, vaikko seminára- dehe gáffebottus, ja boahtit fal roahkka jearahallat fierbmebálvalusas ja rájiid rasttildeaddji dearvvašvuohtafuolahusas obanassii. Ossodagasteamet sáhtát oassálastit maid vuorbádeapmái, mas leat vuordimis buorit vuoittut, muitala kommunikašuvdnaplánejeaddji Annamari Qvist.

Juohke Eurohpa uniovnna lahttoriikkas lea iežas rájiid rasttildeaddji dearvvašvuohtafuolahusa kontáktačuokkis. Suomas kontáktačuokkis lea biddjon Áel:ii, man organisašuvnnas dat lea doaibman vuođđudeamis dehege jagi 2014 rájes. Kontáktačuokkis lea Áela riikkaidgaskasaš áššiid máhttoguovddáža doaimma oassi.

– Hoitopaikanvalinta.fi lea min guovddášlaččamus bálvalankanálain, man lassin bálvalit maid šleađgaboastta bakte. Rájiid rasttildeaddji dearvvašvuohtafuolahusa kontáktačuokkis oahpista áššehasaideaset sihke dearvvašvuohtabálvalusaid geavahusas olgoriikkain ja Supmii boahtti buhcciid dearvvašvuohtafuolahusa gažaldagain, dadjá kontáktačuoggá hoavda Marika Lahtivirta.

Gieldamárkaniin sáhtát oahpásnuvvat Hoitopaikanvalinta.fi-fierbmebálvalussii ja Rájiid rasttildeaddji dearvvašvuohtafuolahusa kontáktačuoggá bargui 2. gearddi čájáhusbáikkis S25. Suoma Gieldalihtu ja Gieldabláđi lágidan Gieldamárkanat lea Gieldadálus 13.–14.9.2017. Buresboahtin!

Lassidieđut Gieldamárkaniid prográmmas oaččut fierbmesiidduin (suomagillii). Dáhpáhus lea gallededdjiide nuvttá, muhto oassálastin gáibida registrerema.