Eurohpalaš buohccedikšungoarta lea juo measta 1 800 000 suopmelaččas
13.7.2017
Áel lea doaimmahan EHIC-goartta dehege eurohpalaš buohccedikšungoartta measta 1 800 000 suopmelažžii. Goarttaid mearri lea lassánan dássedit jagi 2012 rájes, goas dat ledje mieđihuvvon sulaid 1 200 000 stuhka, boahtá ovdan Áela:a statistihkain.
(European Health Insurance Card, EHIC) lea vuoigatvuohta buohkain, geaid buohccedikšungoluid Suopma gokčá. Nuvttá goartta sáhtát diŋgot ÁeL:s. Goarta lea persovnnalaš ja vuolleahkásaš mánás galgá leat iežas goarta. EHIC-goarta ii buhtte Áel-goartta.
EHIC-goarttain oaččut buohccedikšuma, jos orodat gaskaboddasaččat, ovdamearkka dihte luopmpmátkkis nuppi EU-riikkas dehe Eeg-riikkas dehe Šveiccas ja buohccát fáhkkestaga dehe šattat bártái. Goarttain oaččut guhkesáiggebuozalmassii, áhpehisvuhtii dehe riegádahttimii dárbbašlaš dikšuma.
– Goarttain don galggašit oažžut dálkkasdieđalaččat vealtameahttun dikšuma seamma haddái ja seamma ládje go olbmot, geat orrot riikkas. Dikšuma haddi ja dikšundoaibmabijut mearrašuvvet iežat orrunriikka álbmotlaš vuogádaga mielde, muitala plánejeaddji Pia Blomqvist Rájiid rasttildeaddji dearvvašvuohtafuolahusa kontáktačuoggás.
Goarta heive almmolaš dearvvašvuohtafuolahusas ja soahpamuša dahkan buohcceviesuin. Jos dikšuma addi ii dohkket goartta, don sáhtát ohcat maŋálgihtii goluide buhtadusaid Áel:s.