Eurohpalaš buohccedikšungoarta beroštahtii mátkemeassain

Áel ja Dikšunbáikkiválljen.fi-fierbmebálvalus leigga mielde Mátki 2017 –meassain Helssega meassaguovddážis ođđajagimánu loahpas. Min ossodagas lei livkkas, go badjel duhát guossástalli diŋgoje meassafitnamisttiset eurohpalaš buohccedikšungoartta. Giitosat maid buohkaide fierbmebálvalusaideamet jearahallamii ja vuorbádeapmái oassálastiide.

Čokkiimet meassaid áigge maid bivnnuhis čuozáhagaid ossodagamet máilmmigártii. Merkemiid mielde bivnnuheamos luopmočuozáhagat gávdnojit Eurohpas, muhto rievnnut čoggoje maid gáidosit čuozáhagaide, gitta Austrália ja Svalbárda mielde.

Mátkemeassat čogge dán jagi buohkanassii badjel 70.000 guossástalli Helssega meassaguovddážii.

Mii ja manin eurohpalaš buohccedikšungoarta?

Eurohpalaš buohccedikšungoarttain oaččut dikšuma EU-riikkain, jos ovdamearkka dihte buohccát dehe gárttat bártai luopmomátkkis. Goarta lea nuvttá ja Suomas dan mieđiha Áel. Sáhtát diŋgot goartta álkit ja jođánit fierpmis www.kela.fi/asiointi dehe nummáris 020 692 203 má–bea d. 8–17. Bálvalussii registrerejuvvo fierbmebáŋkodovddaldagaiguin dehe mobiilasihkkarastimiin. Eurohpalaš buohccedikšungoartta leat háhkan juo 1,7 miljovnna suopmelačča.

Dearvvašvuohtadiehtu mátkkálažžii

Dihtetgo, ahte Dikšunbáikkiválljen.fi-siidduin gávnnat olu mátkkálažžii ávkkálaš dieđu? Sáhtát oahpásnuvvat ovdamearkka dihte badjel 50 riikka dearvvašvuohtabalvalusa dieđuide, main lea veahkki sihke mátkkis ja dan plánemis. Siiddut oahpistit máŋggabeallásaččat dearvvašvuohtabálvalusa gažaldagain ja diliin, ovdamearkka dihte mot doaibmat, jos buohccát olgoriikkamátkkis dehe jos hálidat mátkkoštit dikšumii Suoma olggobeallái. Dárbbu mielde sáhtát jearrat lasi rájiid rasttildeaddji dearvvašvuohtabálvalusas dán liŋkka bakte Atte máhcahaga.