EU-dearvvasvuodadiksun.fi-siiddut ovdánahttojuvvojit eanet geavaheaddji vuhtii váldin

Loahppajagi 2023 Rájiid rasttildeaddji dearvvašvuohtafuolahusa kontáktačuokkis dutkkai siidduid kvaliteahta ja teknihkalaš áigedássásašvuođa ovttasbargoguimmiinis. Barggu boađusin gávnnahuvvui, ahte lea dárbbašlaš molsut siidduid almmustuhttinreaiddu ođđasit veršuvdnii. Lei dehálaš dahkat rievdadusa, daningo boares reaiddu teknihkalaš doarjja ja beaivádeamit leat nohkame lagasboahtteáiggis.

”Midjiide lea dehálaš bissut áiggi dásis maid teknihkalaš čovdosiid oasil. Teknihkalaš máilmmis veršuvnnat ja vuogádagat sáhttet boarásnuvvat hui jođánit ja danin lea dárbbašlaš gaskkohagaid čielggadit adnojuvvon čovdosiid áigedássásašvuođa”, fierbmekommunikašuvnna áššedovdi Silja Aunola muitala.

Kontáktačuokkis nappo válddii bargun almmustuhttinreaiddu beaivádeami. Dát beaivádeapmi álggahii maid stuorit ovdánahttinbarggu, man ulbmilin lea ráhkadit siidduin eanet anihahtti sihke beaivádemiid čađaheaddji kontáktačuoggá bargiide ja siidduin gallededdjiide.

Ođđa bargoreaiddu mielde fierbmesiidui bohte iešvuođat, maid mielde sisdoalu, mii oidno siidduid geavaheddjiide, lea álkit doaimmahit ja ođasnuhttit deavsttaid ráhkadusa.

”Midjiide lea almmustuhttinreaiddu beaivádeami mielde álkit juogustit dieđu ja hábmet deavsttaid ráhkadusa almmustuhttinvuogádaga sisdoalu buvttadeamis, goas earáhuvvi dieđuid beaivádeapmige siidduide lea jođánit”, Aunola muitala.

Sisdoalu ovdanbuktinvuogit nuppástuvvame

Ođđa almmustuhttinreaidu buktá EU-dearvvasvuođadiksun.fi-siidduide atnui osiid, maiguin kontáktačuokkis sáhttá ovdanbuktit dieđuid čielgaseappot ja visuálalaččabut. Konkrehtalaččat geavaheaddjái oidnojit vuohččan nu gohčoduvvon geasanasat, dehege coahkkalemiin rahpaseaddji gássat, maiguin diehtu sáhttá juogustuvvot ja geavaheaddjái lea álkit geahčadit fáttáid, mat leat siidduin.

”Maŋŋel siidduide leat boahtime maid eará visuálalaš dieđu ovdanbuktinvuogit”, Aunola illuda.

Ovdánahttinjoavkkus lea ságastallon aŋkke listtuin, visualiserejuvvon bálgáin ja infogássain.

”Dál go almmustuhttinreaidu buktá midjiide aivve ođđa vejolašvuođaid sisdoalu ovdanbuktimii, riepmat oasi háválassii beaivádit siidduid sisdoaluid gallededdjiide álkibun geahčadit ja ipmirdit”, Aunola lohká.

Kontáktačuoggá plánaide gullá ordnet maid geavaheaddjidestemiid, maiguin viggojuvvo oažžut diehtu das, mii siidduin dahkkon nuppástusain doaibmá ja maid dárbbaša vel fiidnet buorebun.

”Ovdánahttit geažos áigge sisdoaluideamet eanet ipmirdahttin ja álkibun gávdnat, muhto bargonoađđi lea valjis. Sávvat maid máhcahaga gallededdjiin, vai fierbmesiiddut bálvalivčče geavaheddjiid nu bures go vejolaš”, Aunola dadjá.

Don sáhtát sáddet máhcahaga fierbmesiidduin máhcahatskovi bakte.