EU-dearvvasvuodadiksun.fi-fierbmebálvalusa oažžašuvvan lea buori dásis

Oažžašuvvandirektiiva ja dan čuovvu álbmotlaš láhkaásaheapmi gáibidit eiseválddiid ráhkadit digitála bálvalusaid nu ahte dat oažžašuvvet. Rájiid rasttildeaddji deavvašvuohtafuolahusa kontáktačuokkis lea ilmmuhan siidduinis oažžašuvvančilgehusa 23.9.2020. Sáhtát oahpásnuvvat čilgehussii dáppe.

Oažžašuvvan lea dehálaš earenoamážit olbmuide, geain leat áicoráddjehusat. Fierbmebálvalusaid buorre oažžašuvvan ávkkuha goitge min buohkaid – sáhttá leat, ahte muhtin eallimeamet muttus dárbbahit veahkkeneavvuid fierbmebálvalusaid atnui. Oažžašuvvanvuloš fierbmebálvalusat dáhkidit, ahte nu máŋggas go vejolaš sáhttá atnit fierbmebálvalusaid nu álkit go vejolaš.

Makkár lea oažžašuvvanvuloš fierbmebálvalus?

Oažžašuvvanvuloš fierbmebálvalus lea sisdoalus, ráhkadusas ja doaibmivuođas dáfus álki ja buorre geavahit. Dát dárkkuha earret eará dan, ahte

• govaide ja skoviide duddjojuvvojit govvejeaddji deavsttat ruvttolohkanprográmmaid várás
• sisdoaluid fearggaide ja fonttaide giddejuvvot fuomášupmi
• sisdoallu lea ovdanbuktojuvvon logalaččat ja
• fierbmesiidduid materiála lea álkit ipmirdahtti giella.

Mot oažžašuvvan lea váldojuvvon vuhtii EU-dearvvašvuođadikšun.fi-siidduin?

Mii leat váldán vuhtii oažžašuvvama EU-dearvvašvuođadikšun.fi-siidduin dan vuođđudeami rájes. Siiddut vuogáiduvvet iešguđet terminálarusttegiidda, nu ahte don sáhtát álkit geavahit dan maid jierbmetelefovnnain ja tableahtain. Mii fállat siidduin dieđu anihahtti hámis maid áicoráddjejuvvon olbmuide earret eará ReadSpeaker-guldalandoaimma vehkiin, mii dahká vejolažžan dan, ahte don sáhtát guldalit fierbmesiidduid deavstta jitnosii lohkkojuvvon hámis. Mii leat doaimmahan siidduid kontrásttaid ja fonttaid dakkárin, ahte ovdamearkka dihte oaidnoráddjejuvvon olbmuin livččii nu álki go vejolaš geavahit siiddu.

Siidduid giellaválljašupmái gullet maid seavagielat sihke  suomagillii ja suomaruoŧagillii. Giellaveršuvdna lea álkit molsut juohke siiddu badjeravdda giellaválljašumi bakte. Dáid lassin mii giddet fuomášumi maid dasa, ahte ovdanbuktit dieđu álohii nu čielgasit ja logalaččat go vejolaš.

Oažžašuvvančilgehus muitala siidduideamet oažžašuvvama dili

Mii julggaštit siidduineamet oažžašuvvančilgehusa 23.9.2020. Čilgehusas don sáhtát lohkat álkit, makkár siidduid oažžašuvvama dássi lea ja maid áššiiguin mii vejolaččat vel bargat. Mii leat dahkan oažžašuvvangártema ovttasráđiid siidduideamet teknihkalaš guimmiin. Áigeguovdilastit oažžašuvvančilgehusa dássedis áigegaskkaid.

EU-dearvvasvuodadiksun.fi-siidduid ovddideapmi joatkahuvvá geažos áigge, ja bargat dan oažžašuvvama ovddideami várás dás duohkoge. Juos dus leat sávaldagat dehe evttohusat oažžašuvvama ovddideami várás, don sáhtát sáddet midjiide siidduide gullevaš sávaldagaid ja máhcahaga Atte máhcahaga -liŋkka bakte.

Lassidiehtu www.saavutettavuusvaatimukset.fi (sámás: oažžašuvvangáibádusat)