Hoitopaikanvalinta.fi (sámás: Dikšunbáikkiválljen.fi) lea dál EU-terveydenhoito.fi (sámás: EU-dearvvašvuođadikšun.fi)

Hoitopaikanvalinta.fi (sámás: Dikšunbáikkiválljen.fi)-fierbmebálvalus lea váldán atnui ođđa nama, EU-terveydenhoito.fi (sámás: EU-dearvvašvuođadikšun.fi). Ođđa namain viggat buktit buorebut ovdan fierbmebálvalusa riikkaidgaskasaš oli ja sisdoalu, mii vuodju rájiid rasttildeaddji dearvvašvuohtafuolahussii.

Hoitopaikanvalinta.fi (sámás: EU-dearvvašvuođadikšun.fi)-fierbmebálvalus rahppojuvvui jagi 2015, ja dan bajásdoallá Rájiid rasttildeaddji dearvvašvuohtafuolahusa kontáktačuokkis. Danveardásaš kontáktačuokkis lea juohke EU-riikkas.

Manin molsut nama?

Mii leat njealji jagi áigge ođasnuhttán fierbmebálvalusa sisdoalu, ráhkadusa go olgguldas hámige ovttas áššehasaideametguin. Maiddái jurdda fierbmebálvalusa nama molsumis bohciidii áššehasaid máhcahaga vuođul.

Dáhpáhusain, bargobájiin ja eará deaivvademiin fuomášeimmet, ahte Hoitopaikanvalinta.fi (sámás: Dikšunbáikkiválljen.fi)-namma bohciidahtii olu gažaldagaid, ja siidduid ulbmil ja sisdoallu sáhtiiga báhcit eahpečielggasin.  Dearvvašvuođadikšuma lassin dehe sajes siidduinemet navdojuvvui gávdnot diehtu vaikkobe mánáiddikšumis. Riikkaidgaskasaš oaidninvuohki ja ovdamearkka dihte dieđut sierra riikkaid dearvvašvuohtafuolahusas báhce nama vuođul dávjá fuomáškeahttá.

Nammamolsumii váikkuhe maid rievdadusat siidduid sisdoalus. Hoitopaikanvalinta.fi (sámás: EU-dearvvašvuođadikšun.fi)-siidduin lei álgoálggus diehtu maid ovdamearkka dihte dearvvašvuohtastašuvnna, buohcceviesu ja eará dearvvašvuohtabálvalusaid válljemis Suomas. Miessemánus 2019 dát dieđut, mat guske Suoma dearvvašvuohtafuolahusa válljenfriddjavuođa, mutko Suomi.fi-siidduide.

Sisdoalu nuppástusaid mielde maiddái min fierbmebálvalus fokus dárkkálnuvai. EU-dearvvašvuođadikšun.fi vuodju rájiid rasttildeaddji riikkaidgaskasaš diliide. Čuozáhatjoavku lea viiddis: oahpistit Suomas olgoriikkaide dikšuma várás vuolgiid ja daid, geat buohccájit olgoriikkain orodeamis áigge, muhto maid olgoriikkain Supmii dikšuma várás boahttiid ja daid, geat buohccájit Suomas orodeamis áigge.

Ođđa namma gávdnui áššehasaideamet ja guimmiideamet vehkiin

Máhcahagas ja plánemis barggu ollašuhttimii: dán jagi álggus álggaheimmet ođđa nama ohcama. Hábmiimet ja geahččalattaimet nammaevttohusaid ovttasráđiid ovttasbargoguimmiideametguin ja áššehasaideametguin. Hálideimmet čielggadit, makkár miellagovaid nammaevttohusat bohciidahtte ja mii livččii buorre namma fierbmebálvalussii.

Loahpageahčen evttohusaid joavkkus loktánii ovdan čielga oiddot: EU-terveydenhoito.fi (sámás: EU-dearvvašvuođadikšun.fi). Fierbmebálvalus, mii fállá luohtehahtti dieđu dearvvašvuohtabálvalusain ja daid geavaheamis olgoriikkain, earenoamážit EU:a guovllus.

Ođđa nama ohcamis ja válljemis sáhtát lohkat lasi min plánejeaddji Pia Blomqvista bloggoačállosis.

Oahpásnuva siidduide ja atte máhcahaga

Namma  molsahuvai, muhto fierbmebálvalusa gárgeheapmi joatkahuvvá ovttas áššehasaideametguin. Sáhtát addit midjiide máhcahaga dehe oassálastit gárgehanbargui áššehasráđđámet bakte.