Diehtu suomagillii diksunbáikki válljemis gávdno boahtteáiggis Suomi.fi-fierbmebálvalusas

Hoitopaikanvalinta.fi (saame.hoitopaikanvalinta.fi)-siidduin almmustuhtton sisdoalut dearvvašvuohtastašuvnna, buohcceviesu ja eará dearvvašvuohtafuolahusa válljemis fárrejit Suomi.fi-fierbmebálvalussii. Aŋkke doaisttážii siidduin ii leat sisdoallu davvisámegillii. Hoitopaikanvalinta.fi (saame.hoitopaikanvalinta.fi)-siiddut vuojulduvvá boahtteáiggis oahpistit dearvvašvuohtafuolahusa riikkaidgaskasaš diliin.

Dieđuid sirdima mielde áššehasa áššiiddikšun čielggasmuvvá. Suomi.fi fállá dieđu ja bálvalusaid sierra eallindiliide, maidda gullet earret eará dearvvašvuohta ja buohccedikšun. Hoitopaikanvalinta.fi (saame.hoitopaikanvalinta.fi)-siiddut muitala buhcciid vuoigatvuođain rájiid rasttildeaddji dearvvašvuohtafuolahusa diliin, dehege dalle go suopmelaš dárbbaša dikšuma olgoriikkain, dehe go olgoriikka olmmoš dárbbaša dikšuma Suomas.

Dearvvašvuohtastašuvnna ja buohcceviesu válljen lea leamaš vejolaš jagi 2014 rájes

Dearvvašvuohtastašuvnna dehe buohcceviesu válljen lea leamaš Suomas vejolas juo jagi 2014 rájes. Suomi.fi-fierbmebálvalusa Dikšunbáikki válljen -diehtosisdoaluin muitaluvvo earret eará

• dearvvašvuohtastašuvnna válljemis
• buohcceviesu válljemis
• doaktára, dearvvašvuohtadikšu dehe eará divššodeaddji ámmátolbmo válljemis
• eará dearvvašvuohtafuolahusa bálvalusaid válljemis
• bálvalanseđela geavaheamis dikšunbáikki válljemis.

– Suomi.fi lea riikkavuložiidda ja fitnodatolbmuide čuozihuvvon fierbmebálvalus. Sisdoalut, mat muitalit dikšunbáikki válljemis, heivejit Suomi.fi:ái, daningo Suomi.fi fállá riikkavuložiidda dieđu earenoamážit dilálašvuođaide, main riikkavuloš dikšu áššiid máŋgga eará eiseválddiin, muitala Terhi Tuokkola Álbmotregisttarguovddážis. Dasa lassin Suomi.fi:s gávdno diehtu dearvvašvuohtastašuvnnaid ja buohcceviesuid fállan bálvalusain.

Hoitopaikanvalinta.fi (saame.hoitopaikanvalinta.fi)-siiddut vuojulduvvá rájiid rasttildeaddji dearvvašvuohtafuolahussii ja molsu nama

Hoitopaikanvalinta.fi (saame.hoitopaikanvalinta.fi) -siidduin oahpistuvvo boahttevuođasnai dearvvašvuohtabálvalusaid geavaheamis olgoriikkain ja Suomas. – Siidduin oažžu dieđu buohcci vuoigatvuođain dikšumii olgoriikkain ja Suomas sihke dikšungoluin, dikšuma buhtadusain ja dearvvašvuohtafuolahusas sierra riikkain. Oahpistit sihke Suomas olgoriikkaide vuolgiid ja olgoriikkain Supmii boahttiid buohccedikšuma áššiin, muitala Mira Rantakeisu Rájiid rasttildeaddji dearvvašvuohtafuolahusa kontáktačuoggás.

– Siidduin vuojulduvvo boahttevuođas dearvvašvuohtafuolahusa riikkaidgaskasaš diliide. Suoma válljenfriddjavuođa sirdin lea vuosttaš lávki siidduid sáni čielggasmahttimis. Čuovvovaš lávki lea ohcat siidduide nama, mii govve buorebut dan riikkaidgaskasaš sisdoalu, Rantakeisu joatká.

Siidduin muitaluvvo ain maiddái Suoma dearvvašvuohtafuolahusas olgoriikkalaš áššehasaide.