DBL:a statistihkat: Dikšunráidduin leat erohusat buohccedikšunbiirriid gaskkas

Juovlamánu 2016 loahpas 115 823 buohcci vurde dikšumii beassama buohccedikšunbiirriid buohcceviesuide ja sis measta 2 000 olbmo ledje vuordán ráiddus hoahpuhis dikšuma badjel jahkebeali, boahtá ovdan DBL:a statistihkkaraporttas.

Jođánepmosit hoahpuhis spesiálabuohccedikšumii beasai Varsinais-Suomis ja Satakuntas. Eanemus badjel jahkebeali dikšuma vuordán ledje sihke lohkomearálaččat ja álbmoga ektui Helssega ja Uusimaa (HUS), Kanta-Häme ja Satakunta buohccedikšunbiirriin. HUS:is badjel jahkebeali dikšuma vuordán ledje 1 092. Eanas dain, 620 buohcci, vurde dikšumii beassama čalbmedávddaid spesiálasuorgái.

Hoahpuhis dikšuma jearru lea sturron buohccedikšunbiirriin. Diibmá gieđahallojuvvoje badjel miljovnna sáddenbáhpira, mii lea 5 proseantta eanet go ovddit jagi. Hoahpuhis dikšun dárkkuha dálkkasdieđalaččat, bátnedálkkasdieđalaččat ja dearvvašvuohtadieđalaččat dárbbašlažžan gehččojuvvon dikšun ja rávven, mii galgá ordnejuvvot ja álggahuvvot dikšuma gáibidan hohpolašvuođa vuhtii válddedettiin govttolaš áiggis. Spesiálabuohccedikšumis dikšun galggalii addojuvvot guđa mánu siste das, go dikšundárbu lea gávnnahuvvon ja nuoraid mielladearvvašvuohtabálvalusain maŋimusat golmma mánu siste.

Loga lasi dikšuma oažžašuvvamis ja dikšumii beassama eanemusáiggiin.

DBL:a suomagiel statistihkkaraporta: (sámás: Dikšumii beassan spesiálabuohccedikšumis 31.12.2016)