Áššehasráđi vehkiin ođastusat Hoitopaikanvalinta.fi-siidduide (sámás: saame.hoitopaikanvalinta.fi)

Rájiid rasttildeaddji dearvvašvuohtafuolahusa kontáktačuokkis (Rajis) ordnii čakčamánus áššehasbargobáji ovttas Franticiin. Bargobáji ulbmilin lei čoaggit máhcahaga ja jurdagiid Hoitopaikanvalinta.fi-siidduin (sámás: saame.hoitopaikanvalinta.fi) ja ovddidit máhcahagaid mielde siidduid buorebut áššehasaid dárbbuid bálvaleaddjin.

Bargobádjái bovdejuvvojedje Rajisa áššehasráđi olbmot, dehege olbmot, geat ledje addán oktavuohtadieđuideaset earret eará mátkemeassuin dehe Terve-SOS-dáhpáhusas. Oktiibuot 28 olbmo ilmmuhe iežaset eaktodáhtolažžan ja sin gaskkas válljejuvvoje čieža bargobádjái oassálastin.

”Hei dáppehan lea olu diehtu!”

Bargobájis dutkojuvvoje sierra bargogohčosiid mielde Hoitopaikanvalinta.fi-siiddut (sámás: saame.hoitopaikanvalinta.fi). Ráđi olbmot suokkarde makkár diliin sii sáhtále dárbbahit siidduid. Sii ohce siidduin dieđu golmma sierra dillái:

• Mun lean vuolgime olgoriikamátkái
• Mun plánen stuđerenlonohallama olgoriikkain
• Mun hálidan vuolgit dikšuma várás olgoriikkaide

Dasa lassin áššehasráđđi guorahalai makkár dieđu sii váillahit siidduide lasi.

Oassi ráđi olbmuin oahpásnuvve siidduide vuosttaš háve ja oassi ledje ohcan siidduin dieđu ovdamearkka dihte dikšuma birra, man oažžu olgoriikkain. Oppalaččat ráđi olbmot oaivvilde, ahte siidduin gávdno gokčevaččat diehtu, juobe eanet go sii vurde doppe gávdnot. Siidduid deavsttat muosáhuvvojit báikkohagaid ilá eiseváldiguovdasažžan ja váddát ipmirdahttin. Rámi ožžo ovdasiiddu geavatustitlaš fáddásiiddut , main gávdnojit ee. muitinlisttut olgoriikkaide vuolgima várás, ovdamearkamuitalusat buohccámis olgoriikkain sihke gokčevaš mearri lassidiehtoliŋkkain čohkkejuvvon ovtta báikái.

Oassi ráđi olbmuin ohce dieđu riikka mielde: gosson gávdnojit dearvvašvuohtabálvalusat Kroatias? Riikaguovdasaš dieđu gávdnan Hoitopaikanvalinta.fi-siidduin (sámás: saame.hoitopaikanvalinta.fi) ii lean áibbas álki, muhto ohcan bálkkašuvvui ja ovdii rahpasii logahallan badjel 50 sierra riikka dearvvašvuohtabálvalusain. Riikaguovdasaš diehtu muosáhuvvui hui dehálažžan.

Jurdagis johtui

Bargobáji bohtosat leat dál čohkkejuvvon ovtta sadjái ja joatkadoaibmabijuin šihttojuvvo čavčča áigge. Virgegielalašvuhtii leat boahtime buorádusat juo farggabáliid, daningo Dearvvašvuohtabálvalusat olgoriikkain ja Dikšumii olgoriikkain Supmii -oasit leat gieđahallon vuđolaččat ja daid buoriduvvon sisdoalut almmustuhttojuvvojit vel dán jagi bealde. Dasa lassin plánejuvvome leat lasi fáddásiiddut ja muitalusat.

Rajis ja Frantic giitiba liggosit bargobádjái oassálastán olbmuid divrras ideain. Jos hálidat addit siidduin máhcahaga, de sáhtát sáddet dan siidduid máhcahatskovi bakte. Jos dus lea beroštupmi oassálastit kontáktačuoggá doaimma dehe Hoitopaikanvalinta.fi-siidduid (sámás: saame.hoitopaikanvalinta.fi) gárgeheami áššehašráđđái, de don gávnnat das lassidieđuid min fierbmesiidduineamet.